Answers to your questions No 3 PDF Print E-mail
Written by Administrator   
Saturday, 08 August 2009 14:03

Ene maman allaite so zenfant plus qui deux ans

 

Est-ce qui ene madame gagne droit allaite so zenfant plus qui deux ans?

 

Normalement durée de l’allaitement c’est deux ans. Mais si ene maman pe allaite so zenfant ene tipeu plus qui deux ans, pas ena narien Haraam la dans.

 

 

Ene personne content so madame plus qui li content so maman

 

Est-ce qui li permissible qui ene personne content so madame plus qui li content so maman?

 

Li obligatoire qui nous content nous maman et li obligatoire qui nous agir dans plus bon façon envers li. Mais l’amour li pas exactement bon façon agir. L’amour li ene quitechose qui pas controlable, mais façon agir, sa li trouve dans nous capacité. Basant lor la, si ene personne pe trouve qui so le coeur contenir plus beaucoup l’amour pour so madame qui so maman, pas ena narien mauvais la dans.

 

 

Est-ce qui mettre chaise dans Swaf, sa appelle coupe Swaf

 

Si ene personne pe bizin faire Swalaat lor chaise, est-ce qui si li mettre so chaise dans Swaf, sa appelle coupe Swaf?

 

Non, sa pas appelle coupe Swaf.

 

 

Vendre fruits avec bans Kuffaar

 

Est-ce qui ene marchand gagne droit vendre fruits avec bans Kuffaar?

 

Oui, li gagne droit excepté si li pe conné qui sa Kaafir la pour faire sacrifice avec sa bans fruits la. Li pas ena pour demande chaque Kaafir pour qui raison li pe acheté fruits, mais par exemple, quand pe ena ene zotte bans fetes, sa jour la li pas vendé, parcequi li conné qui normalement banla pour servi sa bans fruits la dans zotte sacrifices.

 

 

Si nous rentre dans Masjid pendant qui Imaam dans Rukou’

 

Si nous rentre dans Masjid pendant qui Imaam dans Rukou’, est-ce qui nous faire Takbiir et nous alle direct dans Rukou’ oubien après Takbiir nous attache nous deux la mains et ensuite nous re faire Takbiir pour alle dans Rukou’?

 

Nous bizin faire nous zeffort pour vine Masjid bonheure, mais si fine arrivé qui nous fine vine en retard, nous pas ena pour attache nous deux la mains. Nous faire Takbiirat-ul-Ihraam et tout de suite nous faire ene deuxième Takbiir et nous alle dans Rukou’.

 

 

Ecrire “Allaah” et “Muhammad” lor meme niveau

 

Bans cadres lor lesquels fine ecrire “Allaah” et “Muhammad” lor meme niveau, est-ce qui c’est ene forme de Shirk?

 

Oui, c’est ene forme de Shirk d’après Sheikh Ibn Baaz, parcequi meme dans nous parole oubien dans nous ecriture, nous bizin pas montré aucun égalité entre Allaah et le prophete Muhammad.

 


Ene madame enceinte faire Swalaat lor chaise

 

A partir quand ene madame enceinte capave commence faire Swalaat lor chaise?

 

Ene personne obligé faire Swalaat Faraz deboute. Si li incapable, li faire li assizé. Quant-a ene madame enceinte, li capave assizé pour faire Swalaat a partir qui li commence gagne difficulté pour faire so Swalaat deboute.

 


Hadiith : “Dunyaa c’est le champ de plantation pour Aakhirah”

 

Qui l’authenticité du Hadiith : “Dunyaa c’est le champ de plantation pour Aakhirah”?

 

Sa recit la li mentionné dans Ihyaa Uloum-id-Deen par Al-Ghazaali. D’après As-Shakhaawi, dans so livre, Al-Maqaaswid-ul-Hasanah, sa recit la pas ena aucun source. So signification capave bon, mais nous pas attribué li au prophète.

 


Est-ce qui ene maman qui pe allaite so bébé, li bizin garde Roza

 

Ene maman pe allaite so bébé et en meme temps li pe donne li du lait dans boite, est-ce qui li bizin garde Roza?

 

Si madame la pe peur qui par garde Roza, sa pour affecté so la santé oubien qui bébé la pas pour gagne assez du lait pour boire, li pas garde Roza. Si sa pas pour affecté ni so la santé et ni so allaitement, li garde Roza.

 

 

Donne ene etranger du bien a travers testament

 

Est-ce qui ene personne gagne droit faire ene testament qui après so la mort, tous so du bien pour vine pour ene personne?

 

Non, li pas gagne droit faire sa. Maximum qui li gagne droit donne ene etranger a travers testament c’est ene tiers de so du bien.