Tous bans religions correctes oubien ene seule religion qui correcte? PDF Print E-mail
Written by Administrator   
Monday, 10 August 2009 20:41

TOUS BANS RELIGIONS CORRECTES OUBIEN ENE SEULE RELIGION QUI CORRECTE?

 

Dans le monde qui nous pe vivre, nous trouve qui ena plusieurs religions qui pe etre pratiquées par bans dimounes. Chaque personne qui fine adhère-li a ene religion, so sentiment pour les autres religions li dans ene entre sa deux façons la :

Mo religion correcte et bans les autres religions aussi correctes

Juste mo religion qui correcte et tous les autres religions c’est bans religions qui fausses

 

Qui bizin nous stand envers les autres bans religions?

Avec quel regard nous bizin guette bans les autres religions?

 

Si nous reflechit lor sa question important la, nous pour arrive a la conclusion qui théorie qui plus vraie c’est théorie qui dire qui juste ene seule religion qui correcte. Cela parcequi la question : Est-ce qui ene seule religion qui correcte oubien tous religions correctes, li ene question : Est-ce qui le Createur fine enseigne l’homme couma pour adore Li oubien Li fine permettre chacun adore Li couma li trouve bon oubien couma li fine trouve so bans grands-parents adore Li.

 

Voici certaines preuves qui prouve verité de sa théorie la :-

 

En generale, nous tous d’accord qui le Createur Li unique et qui nous tous nous bans creatures de sa Createur unique la. Comment est-ce qui li capave correct qui nous tous nous pe croire dans l’existence d’ene seul Createur et ensuite nous pas unis dans So l’adoration? La vraie conception qui dire qui le Createur Li unique, dans li-meme li ene preuve pour dire qui nous tous nous bizin suivre ene seule religion – la religion du Createur.

 

Suivre ene religion pour adore le Createur c’est faire certains rites pour attire la satisfaction du Createur. Pas ena personne qui faire kit la prière et li dire qui par sa li pe oulé provoque la colère du Createur. Basant lor la, nous comprend qui ene intelligent li pour cherche pour adore le Createur couma le Createur fine prescrire, et nonplus couma li trouve bon oubien d’après cequi li fine herité de so grands-parents.

 

Nous tous d’accords qui le Createur Li celui qui ena pitié pour So bans creatures et Li content zotte bien-être. Est-ce qui li logique qui ene Createur pareille Li quitte nous sans enseigne nous couma pour adore Li? Pour bonté qui ena dans le Createur, Li fine bizin enseigne nous couma pour adore Li afin qui nous pas tombe dans piege du satan.

 

Nous tous d’accords qui le Createur fine enseigne nous couma pour agir envers nous parents et nous bans proches, et de l’autre coté, nous tous d’accords qui le Createur fine empeche nous nuire nous prochains ou apporte zotte du tort. Est-ce qui li logique qui le Createur fine enseigne nous couma pour agir envers les humains et ensuite Li pas fine enseigne nous couma pour adore Li? Est-ce qui li logique qui le Createur Li enseigne nous cequi moins important et cequi plus important Li pas enseigne nous?

 

Quand nous étudié bans religions, nous trouve qui zotte l’enseignements li contradictoire; ena dire gagne droit represente le Createur par bans idoles et ena qui dire le contraire, ena dire qui gagne droit prosterner devant les humains et ena qui dire le contraire. Sa prouvé qui ene seule religion qui bizin correcte parcequi li pas logique qui le Createur Li apprecié d’etre representé par bans idoles de la part de certains et sa meme quitechose la Li pas apprecié sa de la part de les autres.

 

Si ene personne fine medité lor sa bans points la et li fine convaincu qui le Createur fine bizin enseigne nous couma pour adore Li et li fine sure qui nous tous nous bizin adore Li juste d’après les rites de So religion, li pour bizin cherche la vraie religion en se servant de so l’intelligence et so raisonnement, et nonplus qui li suivre so bans grands-parents aveuglement.

 

Si ene personne bizin travaille pour qui li nourrit so le corps, pas ena doute qui li bizin plus travaille encore pour nourrit so spiritualité.

 

Si ene zenfant trouve so papa tombe dans ene trou, pas a cause qui c’est so papa sa, li aussi li pour jette-li dans sa trou la. Au contraire, apart qui li pour prend precaution pour pas tombe dans sa trou la, li pour faire zeffort pour retire so papa depuis sa trou la.

 

Alors, oh bans intelligents, sauve zotte-meme et zotte bans proches contre la colère du Createur. Cherche la religion du Createur. Acceptez li, car li pour ou sa. Etudiez l’Islaam, ou pour trouve cequi ou pe cherché.