Answers to your questions No 1 Print
Written by Administrator   
Wednesday, 29 July 2009 14:05

Baby-foot

 

Est-ce qui baby-foot li permissible?

 

D’après comité Fataawaa de l’arabie, (baby-foot) football qui bans jeunes joué lor la tables par controle bans ti-joueurs avec zotte la main, sa li Haraam. Refere a FATAAWAA ISLAAMIYYAH 4/439.

Ene papa tappe so deux la mains pour jouer avec so zenfant

 

Ene papa tappe so deux la mains pour jouer avec so zenfant oubien bans zéleves tappe la mains pour encourage ene parmi zotte, est-ce qui sa li ene façon de faire islamique?

 

D’après comité Fataawaa de l’arabie saoudite, sa quitechose la li pas islamique. Refère a Fataawaa Islaamiyyah 4/332.

 

Embrasse Mus-haf et passe li lor figure

 

Embrasse Mus-haf et passe li lor figure, est-ce qui sa li en corformité avec les enseignements de l’Islaam?

 

D’après comité Fatawa de l’arabie, sa quitechose la pas ena aucun source dans Sharii’ah. Refère a Fataawaa Islamiyyah 4/19.

 

 

Acheté l’article qui la douane fine saisit et ensuite li pe vendre sa

 

Si la douane fine saisit l’article d’ene qui fine contredire so bans règlements et ensuite li pe vendre sa, est-ce qui nous gagne droit acheté sa l’article la?

 

Dans Al-Fataawaa Al-Imaaraatiyyah, pg 10, Sheikh Albaani dire qui li pas permissible acheté sa qualité l’article la.

 

 

Donne ene Swadaqah a celui qui plus pauvre et qui sa Swadaqah la fine donné pour ene qui moins pauvre

 

Si quicaine fine quitte ene somme l’argent avec moi pour donne sa comme Swadaqah a ene personne specifique, et moi mo pe conne ene l’autre personne plus pauvre qui li, est-ce qui mo gagne droit donne sa l’argent la a sa deuxième pauvre la au lieu qui mo donne li a premier pauvre la?

 

Non, pas gagne droit faire sa, excepté avec permission de sa personne qui fine quitte sa somme l’argent la avec ou. Refere a Al-Fataawaa Al-Imaaraatiyyah, pg 35.

 

 

Ene zomme faire transporte so sperme dans matrice de so madame

 

Q: Est-ce qui ene zomme gagne droit guette ene medecin pour faire transporte so sperme dans matrice de so madame afin qui so madame enceinte?

 

A: Non, sa quitechose la li pas permissible. Refere a Al-Fataawaa Al-Imaaraatiyyah, pg 36-37.

 

 

Rentre actionnaire dans ene business dans lequel pour ena dealing avec la banque

 

Q: Est-ce qui ene personne gagne droit rentre actionnaire dans ene business qui correct, mais organization qui pour faire sa business la pour faire dealing avec la banque?

 

A: Meme si business la li Halaal, pas gagne droit rentre actionnaire la dans, parcequi ena dealing l’interet la dans.

 

 

Ene zomme mettre fausse dent en l’or

 

Q: Est-ce qui gagne droit mettre fausse dent en l’or oubien en l’argent?

 

A: Oui, en l’argent gagne droit. En l’or, ene zomme bizin evité excepté si pe ena la necessité. Refere a Al-Fataawaa Al-Imaaraatiyyah, pg 47.

Celui qui faire Tawbah après qui li fine consomme quitechose pour suicide li

 

Q: Si ene personne boire certains pilules pour suicide li et avant qui li mort li faire Tawbah pour suicide qui li fine faire, est-ce qui sa Tawbah la accepté?

 

A: D’après Sheikh Ibn Baaz, ena l’espoir Tawbah pour ene personne pareille. Refère a Fataawaa Islaamiyyah 4/158.

 

 

Swalaat Janaazah d’ene personne qui fine suicide li

 

Q: Est-ce qui nous faire Swalaat Janaazah d’ene personne qui fine suicide li?

 

A: Celui qui fine suicide-li, li fine mort comme ene musulman désobeissant, et alors, ena Swalaat Janaazah pour li, parcequi li ene musulman. Mais ena Hadiith qui dire qui le prophète pas ti faire Swalaat Janaazah de celui qui ti suicide-li, et alors, nous capave comprend par sa qui pas ena Swalaat Janaazah pour li. Basant lor sa deux verités la, bans Ulamaa dire qui ena Swalaat Janaazah pour li, mais le Imaam de so l’endroit pas faire li.

 

Ibn Taymiyyah dire :

 

فكل مسلم لم يعلم أنه منافق جاز الاستغفار له والصلاة عليه وإن كان فيه بدعة أو فسق

[ N’importe qui musulman qui li pas connu qui li ti ene Munaafiq, gagne droit faire Istighfaar pour li et so Swalaat Janaazah, meme qui ti ena Bid’ah ou désobeissance dans li.]

(MINHAAJ-US-SUNNAH)

 

 

Last Updated ( Thursday, 26 July 2012 22:31 )