Est-ce qui ena difference entre swalaat d’ene missier et d’ene madame?

Allaah pas fine envoye nous pour qui chacun faire Ibaadat Allaah couma li gagné d’après so l’envie ou so l’esprit ou façon de faire de so grands-parents. Mais pour qui nous faire Ibaadat Allaah couma Allaah Li oulé, Allaah fine envoye le prophète Muhammad vers nous. Celui qui faire Ibaadat d’après l’enseignement du prophète Muhammad , sa personne la so Ibaadat li être consideré auprès d’Allaah. Mais celui qui refuse faire Ibaadat d’après l’enseignement du prophète, sa personne la so Ibaadat risqué pas ena ancun consideration auprès d’Allaah. Basant lor la, li obligatoire lor chaque musulman pour apprendre couma le prophète Muhammad ti pe faire Swalaat, et ensuite li faire pareille, sans ajouté ou retiré.

Le prophète dire :

وَصَلُّوا كَمَا رَأَيْتُمُونِي أُصَلِّي

Faire Swalaat couma zotte fine trouve moi faire Swalaat.

(BUKHARI 5549)

Rapporté par Sahl Ibn Sa’d :

ثُمَّ رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ صَلَّى عَلَيْهَا … فَلَمَّا فَرَغَ أَقْبَلَ عَلَى النَّاسِ فَقَالَ أَيُّهَا النَّاسُ إِنَّمَا صَنَعْتُ هَذَا لِتَأْتَمُّوا وَلِتَعَلَّمُوا صَلَاتِي

Ensuite mo fine trouve le messager d’Allaah faire Swalaat lor la (lor Mimbar)…. Quand li fine termine so Swalaat, li fine vire vers bans dimounes, et li fine dire : “Ô bans dimounes, mo fine faire sa afin qui zotte suivre moi et zotte conne mo (façon faire) Swalaat!”

(BUKHARI 866)

Ibraahiim An-Nakhai dire :

تقعد المرأة في الصلاة كما يقعد الرجل

Ene madame, dans Swalaat, li assize couma ene zomme assizé.

(MUSWANNAF IBN ABI SHAYBAH 1/242/2788)

Rapporté par Mak-houl :

كانت أم الدرداء تجلس في صلاتها جلسة الرجل وكانت فقيهة

Umm-ud-Dardaa’, dans so Swalaat, li ti pe assize dans façon qui ene zomme assizé, et li ti ene madame qui ti ena la comprehension.

(AT-TAARIIKH-US-SWAGHIIR 1/193/906)