Les 3 Differents Types De Hajj
Ena 3 façon pour accomplir Hajj :
- Tamattu التمتع
- Qiraan القران
- Ifraad الإفراد
Aaishah dire :
خَرَجْنَا مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ لِلْحَجِّ عَلَى أَنْوَاعٍ ثَلَاثَةٍ فَمِنَّا مَنْ أَهَلَّ بِحَجٍّ وَعُمْرَةٍ مَعًا وَمِنَّا مَنْ أَهَلَّ بِحَجٍّ مُفْرَدٍ وَمِنَّا مَنْ أَهَلَّ بِعُمْرَةٍ مُفْرَدَةٍ
Nous ti sorti (depuis Madiinah) ensemble avec le messager d’Allaah pour faire Hajj dans trois (differents) façons. Ena parmi nous fine faire Talbiyah pour Hajj et Umrah ensemble. Ena parmi nous fine faire Talbiyah pour Hajj seulement. Ena parmi nous fine faire Talbiyah pour Umrah seulement.
فَمَنْ كَانَ أَهَلَّ بِحَجٍّ وَعُمْرَةٍ مَعًا لَمْ يَحْلِلْ مِنْ شَيْءٍ مِمَّا حَرُمَ مِنْهُ حَتَّى يَقْضِيَ مَنَاسِكَ الْحَجِّ
Celui qui fine faire Talbiyah pour Hajj et Umrah ensemble, li pas fine vine Halaal de aucun acte qui ti Haraam lor li jusqu’à qui li fine termine bans rites de Hajj.
وَمَنْ أَهَلَّ بِالْحَجِّ مُفْرَدًا لَمْ يَحْلِلْ مِنْ شَيْءٍ مِمَّا حَرُمَ مِنْهُ حَتَّى يَقْضِيَ مَنَاسِكَ الْحَجِّ
Celui qui fine faire Talbiyah pour Hajj seulement, li pas fine vine Halaal de aucun acte qui ti Haraam lor li jusqu’à qui li fine termine bans rites de Hajj.
وَمَنْ أَهَلَّ بِعُمْرَةٍ مُفْرَدَةٍ فَطَافَ بِالْبَيْتِ وَبَيْنَ الصَّفَا وَالْمَرْوَةِ حَلَّ مَا حَرُمَ عَنْهُ حَتَّى يَسْتَقْبِلَ حَجًّا
Celui qui fine faire Talbiyah pour Umrah seulement, après Twawaaf Ka’bah et Saï entre Swafaa et Marwah, li fine vine Halaal de tous cequi ti Haraam lor li jusqu’à qui li commence faire Hajj.
(IBN MAAJAH 3066)
Tamattu’ c’est accomplir ène Umrah et ensuite faire bans rites Hajj; nous rentre dans l’état Ihraam avec Niyyah Umrah depuis Miiqaat, après Umrah nous sorti depuis l’état Ihraam et nous reste Makkah jusqu’a le 8 Zul-Hijjah; ensuite nous ré rentre dans l’état Ihraam avec Niyyah Hajj depuis l’endroit qui nous pé resté dans Makkah.
At-Tirmizi dire :
وَالتَّمَتُّعُ أَنْ يَدْخُلَ الرَّجُلُ بِعُمْرَةٍ فِي أَشْهُرِ الْحَجِّ ثُمَّ يُقِيمَ حَتَّى يَحُجَّ فَهُوَ مُتَمَتِّعٌ وَعَلَيْهِ دَمٌ مَا اسْتَيْسَرَ مِنَ الْهَدْيِ فَإِنْ لَمْ يَجِدْ صَامَ ثَلَاثَةَ أَيَّامٍ فِي الْحَجِّ وَسَبْعَةً إِذَا رَجَعَ إِلَى أَهْلِهِ
Tamattu’ c’est qui ene personne faire Umrah pendant les mois de Hajj et ensuite li reste (Makkah) jusqu’à qui li faire Hajj. (Celui qui faire sa), li ene Mutamatti’, et li bizin verse ene du sang d’ene zanimau qui facile pour li. Si li pas gagne (ene zanimau), li bizin garde trois jours Roza dans Hajj et sept jours Roza quand li retourne vers so famille.
Qiraan c’est qui depuis Miiqaat même, nous rentre dans l’état Ihraam avec l’intention Umrah et Hajj ensemble.
Ifraad c’est qui depuis Miiqaat, nous rentre dans l’état Ihraam avec l’intention Hajj seulement.
