Les trois pilliers de Ibaadah
N’importe qui Ibaadat qui nous pé faire, li bizin basé lor 3 piliers afin qui li gagne considération Ibaadat auprès d’Allaah.
Sa 3 piliers là c’est :
- L’amour المحبة
- L’espoir الرجاء
- La frayeur الخوف
Chaque Ibaadat qui nous pé faire, nous bizin faire li comme preuve de nous l’amour pour Allaah, et en même temps nous bizin ena l’espoir qui Allaah pour accepté li et pour recompense nous par faire nous rentre dans Jannat, et en même temps nous bizin ena la frayeur de punition d’Allaah et de So Jahannam.
Allaah dire : (7:56)
وَادْعُوهُ خَوْفًا وَطَمَعًا
Invoque Li avec la frayeur et l’espoir.
Allaah dire concernant So bans prophètes : (21:90)
إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا
Banla ti pé pressé pour faire bans bons actions et banla ti pé invoque Nous avec le désir et la frayeur.
Allaah dire concernant bans bons Jinn : (17:57)
وَيَرْجُونَ رَحْمَتَهُ وَيَخَافُونَ عَذَابَهُ
Banla ena l’espoir dans So Rahmat, et banla peur So punition.
D’après sa trois Aayat là nous trouvé qui ene musulman bizin invoque Allaah et faire So Ibaadat avec le desir et l’espoir pour gagne Jannat et avec la frayeur pour l’enfer. Sa c’est ene preuve claire contre bans Sufi, bans qui dire qui pas endroit adore Allaah avec la frayeur pour l’enfer oubien avec l’espoir pour gagne Jannat.
