Est-ce qui li permissible faire Zikrullah sans couvert la tête et sans twahaarah?

Nous capave faire Zikr même si nous pas ena Ghusl. Si nous purifié-nous avant nous faire Zikr, sa li meilleur.

Shaykh Ibn Baaz (1420 H) dire :

ولهن أن يقرأن ويذكرن الله عز وجل وإن كن كاشفات رءوسهن إذا لم يكن عندهن أجنبي … ولا يمنع ذلك من دخول الملائكة

Bans madames gagne droit lire (Qur-aan) et faire Zikrullaah, même si zotte la tête découvert, si pas ena ene étranger cote zotte, et sa li pas empêche bans anges rentré.

(M. FATAAWAA 24/85)

Rapporté par Ummu Atwiyyah :

كُنَّا نُؤْمَرُ أَنْ نَخْرُجَ يَوْمَ الْعِيدِ حَتَّى نُخْرِجَ الْبِكْرَ مِنْ خِدْرِهَا حَتَّى نُخْرِجَ الْحُيَّضَ فَيَكُنَّ خَلْفَ النَّاسِ فَيُكَبِّرْنَ بِتَكْبِيرِهِمْ وَيَدْعُونَ بِدُعَائِهِمْ يَرْجُونَ بَرَكَةَ ذَلِكَ الْيَوْمِ وَطُهْرَتَهُ

Jour Eid nous ti pe être ordonnées pour sorti (vers le Muswallaa) jusqu’à qui nous ti pe faire bans vierges sorti de zotte la chambre et aussi bans madames qui ti dans zotte période Haid. Banla ti pe reste par derrière bans dimounes, zotte ti pe faire Takbiir avec bans dimounes et zotte ti pe faire Du’aa avec bans dimounes, avec l’espoir gagne Barakat de sa jour la et so pureté.

(BUKHARI 918)

Sa Hadiith la montré nous qui ene madame qui dans so période Haid gagne droit faire Takbiir et faire Du’aa.

Ibn Qudaamah dire :

لَا خِلَافَ فِي أَنَّ لَهُمْ ذِكْرَ اللَّهِ تَعَالَى

Pas ena divergence qui li permissible à banla pour faire Zikrullaah.

(AL-MUGHNI 1/97)

Rapporté par Aaishah :

كَانَ رَسُولُ اللَّهِ صلى الله عليه وسلم إِذَا خَرَجَ مِنَ الْغَائِطِ قَالَ غُفْرَانَكَ

Quand le messager d’Allaah ti pe sorti après qui li ti pe faire so besoin, li ti pe dire :

“(Ô Allaah), mo pe cherche To pardon.”

(IBN MAAJAH 300)

Basant lor sa Hadiith la, nous comprend qui ene personne gagne droit faire Du’aa ou Zikr sans Wudu.

Mais malgré qui li permissible, li reste qui faire Zikrullaah sans Twahaarah li Makrouh.

Rapporté par Al-Muhaajir Ibn Qunfuz :

أَنَّهُ أَتَى النَّبِيَّ صَلَّى اللَّهُ عَلَيْهِ وَسَلَّمَ وَهُوَ يَبُولُ فَسَلَّمَ عَلَيْهِ فَلَمْ يَرُدَّ عَلَيْهِ حَتَّى تَوَضَّأَ ثُمَّ اعْتَذَرَ إِلَيْهِ فَقَالَ إِنِّي كَرِهْتُ أَنْ أَذْكُرَ اللَّهَ عَزَّ وَجَلَّ إِلَّا عَلَى طُهْرٍ أَوْ قَالَ عَلَى طَهَارَةٍ

Mo fine vine cote le prophète pendant qui li ti pe uriné et mo fine faire li Salaam. Li pas fine répondre moi mo Salaam jusqu’à qui li fine fini faire Wudu et ensuite li fine présente so excuse en disant :

“Mo pas fine content pour faire Zikrullaah excepté avec Twahaarah.”

(ABU DAOUD 16)

Ibn Hibbaan (354 H) dire :

كَرَاهِيَةَ الْمُصْطَفَى صَلَّى اللَّهُ عَلَيْهِ وَسَلَّمَ ذِكْرَ اللَّهِ إِلَّا عَلَى طَهَارَةٍ كَانَ ذَلِكَ لِأَنَّ الذِّكْرَ عَلَى طَهَارَةٍ أَفْضَلُ لَا أَنَّ ذِكْرَ الْمَرْءِ رَبَّهُ عَلَى غَيْرِ الطَّهَارَةِ غَيْرُ جَائِزٍ

Le prophète pas ti content faire Zikr excepté avec Twahaarah. Li ti comme sa, parcequi Zikr avec Twahaarah li meilleur, nonplus qui li pas permissible qui ene personne faire Zikr de so Rab sans Twahaarah.

(SWAHIIH IBN HIBBAAN)