Est-ce qui en témoignant ene miracle qui nous accepté ene religion?

Pas ena doute qui le Créateur Li celui qui possède tout pouvoir et toute capacité, et alors, ene parmi c’est bans façons qui Li fine toujours prouve So l’existence c’est à travers bans miracles, cote bans humains trouve-zotte en face de bans situations cote zotte témoigne la capacité sublime du Créateur et l’incapacité de l’homme. Mais est-ce qui le miracle li le critère principal pour croire dans vérité de celui qui fine présente sa miracle la et pour accepter la religion d’ene l’autre ?

Dans sa le monde qui nous pe vivre-là, nous trouve beaucoup dimounes présente-zotte comme bans qui lor la vérité, en s’appuyant lor certains miracles, et nous trouve aussi beaucoup dimounes qui arrivé adopté ene l’autre religion basant lor certains miracles qui zotte fine témoigné

En vérité, même qui le miracle li ene parmi les preuves de la vérité, li reste qui considère li comme la preuve fondamentale, sa li ene erreur. Qui faire ?

Voici certaines raisons qui faire nous pas supposé croire dans n’importe qui sanla qui présente nous ene miracle et nous pas supposé accepté so religion comme la vérité :-

1. Quand nous tous nous accepté qui le Créateur Li unique, sa prouvé qui la véracité de la religion du Créateur li bizin pe touche tous dimounes dans ene façon égale. Qui quitechose que touche tous dimounes dans ene façon égale ? Cequi touche tous dimounes dans ene façon égale c’est “le message compréhensible et logique qui sa religion repose lor là”. Ene message pareille, li ene preuve vivante et convaincante dans tous l’époques et dans tous coins le monde. Quand nous prend le cas d’ene miracle, nous tous pour d’accord qui ene miracle, parfois c’est juste ene ti-groupe dimounes qui gagne pour témoigne sa, oubien qui sa li être expériencié par ene seul dimoune. Ene quitechose pareille li pas capave la preuve fondamentale d’ene religion, parcequi li pas touche excepté ene ti-groupe dimounes à la fois. Donc, est-ce qui untel pe invite vers la vraie religion du Créateur oubien non, nous pas juge sa basant lor certains miracles qui li émerveille bans dimounes par sa, mais nous bizin étudié message qui li pe expliqué, est-ce qui vraiment li ene message logique et compréhensible oubien li ene pure mensonge qui li pe invite vers sa.
2. Nous pas capave accepté ene quicaine comme celui qui pe invite vers la religion du Créateur, juste basant lor certains miracles qui li présenté, parcequi pareille couma le miracle li existe comme ene vérité depuis le Créateur, nous ena aussi certains qui faire bans fausses miracles à travers la magie et la sorcellerie. Donc, vrai critère pour conner qui sanla pe invite vers la vérité c’est pas bans miracles, mais c’est le message qui li pe expliqué et bans informations qui li pe donné.
3. Le miracle li pas ene critère pour considère ene quicaine comme véridique, parcequi nous ena aussi bans imposteurs qui avec zotte l’équipe et avec le complice de les autres, zotte vine pour embête bans dimounes par le mensonge et bans fausses témoignages. Alors, celui qui pe invite vers le Créateur, li pas pour vine présente-li comme celui qui capable pour faire bans miracles, mais li pour présente-li comme celui qui pe partage ene message qui pour sauve toute l’humanité.
4. Nous pas capave croire qui untel li pe être supporté par le Créateur, juste à cause certains miracles qui li présenté, parcequi pareille couma les humains c’est ene espèce de bans créatures, nous ena aussi bans Jinn qui c’est ene l’autre espèce, et alors quand nous pe trouve ene quitechose comme surnaturel, li pas obligatoirement vine depuis le Créateur ; li possible qui li ene quitechose qui trouve en dehors la capacité de l’homme, mais dans la capacité de Jinn, et c’est sa qui nous pe croire comme miracle depuis le Créateur.
5. Quand nous pe accepté la religion du Créateur, nous pas accepté li avec l’esprit “gagne kit l’avantage en retour”, mais nous accepté li avec l’esprit “vivre comme bans serviteurs fidèles à nous Créateur”. Cequi plus pousse nous pour accepter ene religion dans sa façon correcte là c’est le message de vérité qui sa religion pe présenté. Quant à miracle qui certains témoigne zotte l’avantages la-dans, sa li pas vraiment ene façon correcte pour accepter ene religion.

Sa c’est ene explication lor le miracle en tant qu’ene critère pour conne la vérité. Nous invoque le Créateur unique pour qui Li ouvert nous les cœurs pour cherche la vérité et nonplus qui nous laisse-nous embêtés par bans fausses miracles et bans charlatans.