Faire du’aa a voix basse
Quand nous faire Du’aa, faudrait pas nous crié. Soit nous cause avec Allaah avec ene la voix normale oubien nous cause avec Li dans nous le coeur.
Allaah dire : (7:55)
ادْعُوا رَبَّكُمْ تَضَرُّعًا وَخُفْيَةً إِنَّهُ لَا يُحِبُّ الْمُعْتَدِينَ
Invoque zotte Rab avec humilité et secrètement, certainement Li pas content les transgresseurs.
Faire Du’aa secrètement c’est faire Du’aa à voix basse, sans faire dimounes conner qui ou pe demandé.
Ibn Jurayj dire :
Cequi forme partie de la transgression c’est élève la voix, faire l’appel à haute voix en faisant Du’aa et criyé.
(TAFSIIR AL-BAGHAWI)
Allaah dire : (17:110)
وَلَا تَجْهَرْ بِصَلَاتِكَ وَلَا تُخَافِتْ بِهَا وَابْتَغِ بَيْنَ ذَلِكَ سَبِيلًا
Pas faire to Swalaat à haute voix et pas baisse to la voix (aussi). Mais cherche ene juste milieu.
Aaishah dire concernant sa Aayat la :
أُنْزِلَتْ فِي الدُّعَاءِ
Li fine descendre concernant Du’aa.
(BUKHARI)
Al-Marrouzi dire :
Mo fine entendre Abu Abdillaah (Imaam Ahmad) pe dire :
“Li bizin faire so Du’aa à voix basse basant lor parole Allaah : Pas faire to Swalaat à haute voix et pas baisse to la voix…. Sa (Aayat la) li concernant Du’aa.”
Mo fine entendre Abu Abdillaah (Imaam Ahmad) pe dire :“Li ti consideré detestable qui banla élève zotte la voix en faisant Du’aa.”
(IQTIDWAA-US-SWIRAAT-IL-MUSTAQIIM)
Ibn Umar dire en faisant référence à élève la voix dans Du’aa :
أَيُّهَا النَّاسُ إِنَّكُمْ لَا تَدْعُونَ أَصَمَّ وَلَا غَائِبًا يَعْنِي فِي رَفْعِ الصَّوْتِ بِالدُّعَاءِ
Ô bans dimounes, certainement zotte pas pe invoque ene sourd ou ene absent.
(MUSWANNAF IBN ABI SHAYBAH)
Al-Hasan dire :
إن رفع الصوت بالدعاء لبدعة
Élève la voix en faisant Du’aa c’est ene Bid’ah.
(IQTIDWAA-US-SWIRAAT-IL-MUSTAQIIM)
Rapporté par Abu Haashim :
عَنْ مُجَاهِدٍ أَنَّهُ سَمِعَ رَجُلًا يَرْفَعُ صَوْتَهُ فِي الدُّعَاءِ فَرَمَاهُ بِالْحَصَى
Mujaahid fine entendre ene personne pe élève so la voix en faisant Du’aa, et alors, li fine envoye cailloux lor li.
(MUSWANNAF IBN ABI SHAYBAH)
Dans Ar-Raddul-Muhtaar (6/27), li mentionné :
صَحَّ عَنْ ابْنِ مَسْعُودٍ أَنَّهُ أَخْرَجَ جَمَاعَةً مِنْ الْمَسْجِدِ يُهَلِّلُونَ وَيُصَلُّونَ عَلَى النَّبِيِّ صَلَّى اللَّهُ عَلَيْهِ وَسَلَّمَ جَهْرًا وَقَالَ لَهُمْ مَا أَرَاكُمْ إلَّا مُبْتَدِعِينَ
Li confirmé qui Ibn Mas’oud ti retire ene groupe dimounes depuis Masjid, banla ti pe faire Tahliil et zotte ti pe envoye Swalaat lor le prophète à haute voix. Et li ti dire banla : “Mo pas considère zotte excepté comme bans Bidati!”
