Bans Phrases Qui Indique L’égalité Entre Allaah Et So Bans Créatures

Pas ena doute qui Allaah Li unique, et alors, l’Islaam fine enseigne nous qui quand nous causé aussi, nous bizin montré qui Allaah Li unique. Si ene dimoune pas montré l’unicité d’Allaah dans so bans paroles, li fini commettre Shirk sans qui li conné.

L’exemples de sa bans paroles la :

Mo compte lor Allaah et lor Toi.
Mo ena confiance lor Allaah et lor toi.
Couma c’est agréable cequi Allaah et toi fine decidé.
Avec Allaah et toi to permission.
Mo pas ena personne excepté Allaah et toi.
C’est ene faveur depuis Allaah et depuis toi.
Si pas ti ena toi, ti pour arrive sa.
Si ti ena toi, pas ti pour arrive sa.

Le Swahaabi Ibn Abbaas dire qui ene dimoune ti vine cote le prophète et le prophète ti corrige li dans certaines so bans paroles

Rapporté par Swahaabiyyah Qutaylah :

أَتَى حَبْرٌ مِنَ الْأَحْبَارِ رَسُولَ اللَّهِ صَلَّى اللَّهُ عَلَيْهِ وَسَلَّمَ … قَالَ يَا مُحَمَّدُ نِعْمَ الْقَوْمُ أَنْتُمْ لَوْلَا أَنَّكُمْ تَجْعَلُونَ لِلَّهِ نِدًّا قَالَ سُبْحَانَ اللَّهِ وَمَا ذَاكَ قَالَ تَقُولُونَ مَا شَاءَ اللَّهُ وَشِئْتَ … فَأَمْهَلَ رَسُولُ اللَّهِ صَلَّى اللَّهُ عَلَيْهِ وَسَلَّمَ شَيْئًا ثُمَّ قَالَ إِنَّهُ قَدْ قَالَ فَمَنْ قَالَ مَا شَاءَ اللَّهُ فَلْيَفْصِلْ بَيْنَهُمَا ثُمَّ شِئْتَ

Ene parmi bans savants juifs fine vine cote le messager d’Allaah et li fine dire :
“Ô Muhammad صَلَّى اللَّهُ عَلَيْهِ وَسَلَّمَ, comment zotte ti pour ene peuple excellent si seulement zotte pas ti mette bans égales à Allaah!”
Le prophète fine dire :
“Sub-haanallaah, comment sa?”
Savant la fine dire :
“Zotte dire : Couma c’est agréable cequi Allaah et toi to fine decidé!”
Le messager d’Allaah fine reste tranquille pendant ene moment et ensuite li fine dire :
“Certainement li fine bien dire. Celui qui dire : Couma c’est agréable cequi Allaah fine decidé, qui li separe les deux (en disant) : ensuite to fine decidé!”

(AHMAD 25845)

Rapporté par Ibn Abbaas :

أَنَّ رَجُلًا قَالَ يَا رَسُولَ اللَّهِ مَا شَاءَ اللَّهُ وَشِئْتَ فَقَالَ جَعَلْتَنِي لِلَّهِ عَدْلًا بَلْ مَا شَاءَ اللَّهُ وَحْدَهُ

Ene dimoune fine dire :
“Ô messager d’Allaah, cequi Allaah et toi to fine décidé, c’est sa même qui fine arrivé!”
Le prophète fine dire li :
“Est-ce qui to fine prend moi comme ene égale à Allaah? (Pas dire sa, mais dire : ) Couma c’est agreable cequi Allaah tout seul fine decidé!”

(AHMAD 1742)

Pour qui nous pas tombe dans sa erreur la:

Pour qui nous pas tombe dans sa erreur la, le prophète fine enseigne nous couma pour bien servi nous bans mots.

Le prophète dire :

لَا تَقُولُوا مَا شَاءَ اللَّهُ وَشَاءَ فُلَانٌ وَلَكِنْ قُولُوا مَا شَاءَ اللَّهُ ثُمَّ شَاءَ فُلَانٌ

Pas dire :
“Comment c’est agreable cequi Allaah et untel fine decidé!”
Mais dire :
“Comment c’est agreable cequi Allaah et ensuite untel fine decidé!”

(ABU DAOUD 4328)