Bon Caractère – Parmi Bans L’enseignements Fondamentales De L’Islaam
L’Islaam c’est ene Deen complete qui enseigne nous couma pour vivre envers Allaah et couma pour vivre envers bans dimounes.
Le prophète ti dire à Mu’aaz :
اتَّقِ اللَّهِ حَيْثُمَا كُنْتَ وَأَتْبِعِ السَّيِّئَةَ الْحَسَنَةَ تَمْحُهَا وَخَالِقِ النَّاسَ بِخُلُقٍ حَسَنٍ
[ Gagne Taqwaa Allaah n’importe cotesa to été. Faire ene bon action après qui to fine arrivé commettre ene erreur, sa pour efface li. Et agir envers bans dimounes avec ene bon caractère.]
(TIRMIZI 1910)
D’après sa Hadiith la, nous capave dire qui façon qui nous agir envers Le Créateur c’est qui nous bizin ena Taqwaa pour Li, et façon qui nous agir envers bans dimounes c’est avec ene bon caractère :
Presente avec figure souriante
Cause dans ene façon respectable
Agir dans ene façon respectable
Pardonne bans qui mal agir, etc…..
Donc, bon caractère et bonne manière c’est ene parmi bans l’enseignements fondamentaux dans Deen Islaam.
Ibnul Qayyim dire :
فَمَنْ زَادَ عَلَيْكَ فِي الْخُلُقِ زَادَ عَلَيْكَ فِي الدِّينِ
[ Celui qui fine dépasse toi dans so bon caractère, li fine dépasse toi dans to Deen.]
