Couma L’Islaam enseigne nous pour honore nous frères

Ene parmi bans plus jolis l’enseignement de l’Islaam c’est l’égalité qui li fine instauré parmi bans humains, malgré difference de race ou couleur qui ena parmi nous, et li fine informe nous qui ene fois qui nous amene Imaan en Allaah, nous tous nous vine bans frères.

Allaah dire : (49:10)

إِنَّمَا الْمُؤْمِنُونَ إِخْوَةٌ

Certainement bans Mu’min c’est bans frères (entre zotte).

Le prophète dire :

بِحَسْبِ امْرِئٍ مِنَ الشَّرِّ أَنْ يَحْتَقِرَ أَخَاهُ الْمُسْلِمَ

Li suffit qui ene personne fine faire ene mauvais action si li fine considère so frère musulman inferieur.

(TIRMIZI 1850)

Le prophète dire :

وَمَنْ أَشَارَ عَلَى أَخِيهِ بِأَمْرٍ يَعْلَمُ أَنَّ الرُّشْدَ فِي غَيْرِهِ فَقَدْ خَانَهُ

Celui qui conseille so frère ene quitechose avec connaissance qui li la bonne voie dans ene l’autre quitechose, en vérité, li fine trahir sa frère la.

(ABU DAOUD 3172)

Le prophète dire :

لاَ يَأْخُذْ أَحَدُكُمْ مَتَاعَ صَاحِبِهِ لاَعِبًا وَلاَجَادًّا فَإِذَا أَخَذَ أَحَدُكُمْ عَصَا أَخِيهِ فَلْيَرُدَّهَا إِلَيْهِ

Qui personne parmi zotte pas prend l’objet de so compagnon, ni en badinage et ni au sérieux. Celui qui fine prend bâton de so frère, qui li retourne sa a li.

(AL-MUSTADRAK 3/739/6686, BAIHAQI 6/100/11324)

Le prophète dire :

مَنْ أَشَارَ إِلَى أَخِيهِ بِحَدِيدَةٍ فَإِنَّ الْمَلَائِكَةَ تَلْعَنُهُ حَتَّى يَدَعَهُ وَإِنْ كَانَ أَخَاهُ لِأَبِيهِ وَأُمِّهِ

Celui qui menace so frère avec ene feraille, bans anges envoye malediction lor li, même si li so frère a travers so papa et so maman (c’est-a-dire : même si li so propre frère).    

(MUSLIM 4741)

Le prophète dire :

سِبَابُ الْمُسْلِمِ فُسُوقٌ وَقِتَالُهُ كُفْرٌ

Joure ene musulman c’est Fusouq (ene acte de desobeissance), et combattre li c’est Kufr.

(BUKHARI 46)

Le prophète dire :

مَنْ ذَبَّ عَنْ عرضِ أَخِيهِ بِالْغِيبَةِ كَانَ حَقًّا عَلَى اللهِ عَزَّ وَجَلَّ أَنْ يَقِيَهُ مِنَ النَّارِ

Celui qui defendre l’honneur so frère par derrière so le dos, li ene devoir lor Allaah pour protege li contre l’enfer.

(HILYAT-UL-AWLIYAA 6/67, GHAAYAT-UL-MARAAM 431)

Le prophète dire :

الْمُسْلِمُ مَنْ سَلِمَ الْمُسْلِمُونَ مِنْ لِسَانِهِ وَيَدِهِ

[ Le musulman c’est celui qui les (autres) musulmans en securité de so la langue et so la main.]

(BUKHARI 9)

Le prophète dire:

مَنْ هَجَرَ أَخَاهُ سَنَةً فَهُوَ كَسَفْكِ دَمِهِ

Celui qui fine abandonne so frère pendant un an, c’est comme si li fine verse so du sang.

(ABU DAAWOUD 4269)