Couma nous prouve qui attribué le terrorisme a l’Islaam c’est ene fausse accusation.
Ene humain c’est ene humain, et alors, li mérite le respect d’être considéré comme ene humain qui ena ene la vie dans li. Ene vrai musulman c’est ene personne qui ena pitié lor bans humains pareille couma li, et nonplus qui li tire plaisir dans apporte zotte du tort.
Le prophète dire :
مَنْ لَا يَرْحَمِ النَّاسَ لَا يَرْحَمْهُ اللَّهُ عَزَّ وَجَلَّ
Celui qui pas gagne pitié lor bans dimounes, Allaah pas pour gagne pitié lor li.
(MUSLIM 4283)
L’Islaam pas fine juste enseigne nous pour ena pitié lor bans humains, mais li fine aussi mette l’emphase pour qui nous agir bien et pour ena pitié même lor bans zanimaux.
Le prophète dire :
لَوْ غُفِرَ لَكُمْ مَا تَأْتُونَ إِلَى الْبَهَائِمِ لَغُفِرَ لَكُمْ كَثِيرًا
Si Allaah ti pour pardonne zotte pour cequi zotte malagir envers bans zanimaux, Li ti pour pardonne zotte pour beaucoup (zotte bans pechés).
(AHMAD 26214)
Sa Hadiith la montré nous qui malagir envers bans zanimaux et faire dominère lor zotte c’est ene péché qui Allaah pas pardonné excepté si nous faire Tawbah.
Le prophète dire :
إِنَّ مِنْ أَعْظَم الذُّنُوبِ عِنْدَ اللَّهِ … وَرَجُلٌ يَقْـتُلُ دَابَّةً عَبَثًا
Parmi bans péchés plus grave auprès d’Allaah c’est….. ene personne touye ene bébête sans aucun raison.
(AL-MUSTADRAK 2/198/2743)
Allaah dire : (6:151)
وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ
Pas touye ene personne qui Allaah fine décrète Haraam excepté avec ene cause juste.
Ena 4 personnes qui Allaah fine empêche nous touyé :
- Le musulman.
- Ene Kaafir qui l’autorité islamique fine permettre-li rentre dans territoire de bans musulmans.
- Ene Zimmi – Ene Kaafir qui fine d’accord pour vivre sous l’autorité de bans musulmans par paye Jizyah.
- Ene Kaafir qui reste dans ene pays avec lequel fine ena ene traité de paix entre banla et l’état islamique.
Celui qui fine touye ene parmi sa 4 personnes la, certainement li fine commettre ene grand peché.
Le prophète dire :
لَنْ يَزَالَ الْمُؤْمِنُ فِي فُسْحَةٍ مِنْ دِينِهِ مَا لَمْ يُصِبْ دَمًا حَرَامًا
Ene Mu’min li toujours dans ene certaine liberté dans so Deen (li senti-li libre pour faire bans bons actions) aussi longtemps qui li pas verse ene du sang Haraam.
(BUKHARI 6355)
