Définition de du’aa (dans la langue et dans Sharii’ah)

Dans la langue arabe, Du’aa veut dire “la demande”. Ene personne qui pe faire Du’aa c’est ene personne qui pe faire ene demande.

Abu Bakr Ibnul Arabi dire : Du’aa dans la langue et la réalité c’est la demande.

(AHKAAM-UL-QUR-AAN 2/815)

Ash-Shawkaani dire : Signification de Du’aa dans la réalité et dans la Sharii’ah c’est la demande.

(FAT-HUL-QADIIR 4/498)

En vérité, Du’aa c’est ene demande spécifique qui vine depuis le bas envers le haut.

Ibnul Jawzi dire concernant Du’aa : Demande du bas avec le haut pour obtenir ene quitechose sans qui quitechose la diminué depuis le haut.

Bans Ulamaa fine mettre l’emphase lor sa definition la parcequi ena 3 qualités demandes :

• Demande depuis le haut avec le bas. Sa c’est ene l’ordre.
• Demande d’ene personne avec ene l’autre égale á li. Sa c’est ene requête.
• Demande du bas avec le haut. C’est sa Du’aa – ene imploration ou ene invocation.

Dans Sharii’ah Du’aa c’est demande qui le serviteur faire avec so Créateur, comme ene imploration de so part, et nonplus comme ene l’ordre ou ene requête.

Al-Khattwaabi dire concernant Du’aa : C’est qui le serviteur li demande so Rab le soin et li cherche l’aide avec Li.

(FAYD-UL-QADIIR 1/228)

Ibn Taymiyyah dire : (Du’aa c’est qui) ene personne li demande ene quitechose qui pour profite li et li demande pour enleve de li et repousse de li, ene quitechose qui apporte li du tort.

(MAJMOU’ FATAAWAA 15/10)

Basant  lor définition de bans Ulamaa, nous trouve qui quand ene personne pe faire Du’aa, ena deux possibilités : soit qui li pe demande ene quitechose qui pour profite li oubien qui li pe demande pour repousse de li ene quitechose qui nuir li.