Demande la pluie a travers Wasiilah de ban vivants
Rapporté par Anas :
أَنَّ عُمَرَ بْنَ الْخَطَّابِ رَضِيَ اللَّهُ عَنْهُ كَانَ إِذَا قَحَطُوا اسْتَسْقَى بِالْعَبَّاسِ بْنِ عَبْدِالْمُطَّلِبِ فَقَالَ اللَّهُمَّ إِنَّا كُنَّا نَتَوَسَّلُ إِلَيْكَ بِنَبِيِّنَا فَتَسْقِينَا وَإِنَّا نَتَوَسَّلُ إِلَيْكَ بِعَمِّ نَبِيِّنَا فَاسْقِنَا … فَيُسْقَوْنَ
Quand ti pe ena la sécheresse, Umar ti pe demande (Allaah) la pluie par l’intermédiaire de Al-Abbaas Ibn Abdil Muttwalib.
Li ti pe dire :
“Ô Allaah, nous ti pe implore Toi par l’intermédiaire de nous prophète, et To ti pe faire la pluie tombé pour nous. (Astère) nous pe implore Toi par l’intermédiaire chacha du prophète, faire la pluie tombé pour nous.”
(Par sa Du’aa la), Allaah ti pe faire la pluie tombé pour banla.
(BUKHARI 954)
Rapporté par Sulaym Ibn Aamir :
خَرَجَ مُعَاوِيَةُ يَسْتَسْقِي فَلَمَّا قَعَدَ عَلَى المِنْبَرِ قَالَ أَيْنَ يَزِيْدُ بنُ الأَسْوَدِ فَنَادَاهُ النَّاسُ فَأَقْبَلَ يَتَخَطَّاهُمْ فَأَمَرَهُ مُعَاوِيَةُ فَصَعِدَ المِنْبَرَ
Mu’aawiyah ti sorti pour (demande) Allaah la pluie. Quand li fine assize lor Mimbar, li fine dire :
“Cote Yaziid Ibnul Aswad?”
Bans dimounes fine appelle li, et li fine vini en passant entre banla. Mu’aawiyah fine ordonne li, et alors li fine monte lor Mimbar.
قَالَ مُعَاوِيَةُ اللَّهُمَّ إِنَّا نَسْتَشْفِعُ إِلَيْكَ بِخَيْرِنَا وَأَفَضْلِنَا يَزِيْدَ بنِ الأَسْوَدِ يَا يَزِيْدُ ارْفَعْ يَدَيْكَ إِلَى اللهِ فَرَفَعَ يَدَيْهِ وَرَفَعَ النَّاسُ
Mu’aawiyah fine dire :
“(Ô Allaah), nous pe implore Toi par l’intermédiaire de celui qui plus bon et plus meilleur parmi nous – Yaziid Ibnul Aswad. Ô Yaziid lève to deux la mains vers Allaah!”
Yaziid fine leve so deux la mains et bans dimounes (aussi) fine lève (zotte la mains pour demande la pluie).
(SIYAR 4/137)
Rapporté par Sa’iid Ibn Abdil Aziiz :
اسْتَسْقَى الضَّحَّاكُ بنُ قَيْسٍ بِيزِيْدَ بنِ الأَسْوَدِ فَمَا بَرِحُوا حَتَّى سُقُوا
Ad-Dwah-haak Ibn Qays ti demande (Allaah) la pluie par l’intermédiaire de Yaziid Ibnul Aswad. Banla pas ti encore termine (zotte Du’aa) jusqu’à qui la pluie fine commence tombé.
(SIYAR 4/137)
D’après sa bans récits la, nous trouve qui Mu’aawiyah et Ad-Dwahhaak pas fine demande le prophète qui fine fini mort pour faire Du’aa pour qui la pluie tomber, mais zotte fine demande le meilleur parmi bans qui vivants pour faire Du’aa.
