Est-ce qui hadiith Mursal li consideré comme preuve/autorité ?

Concernant Mursal Ghayr-is-Swahaabiy, Imaam Muslim dire :

والمرسل من الروايات في أصل قولنا وقول أهل العلم بالأخبار ليس بحجة

Riwaayat Mursal, d’apres nous l’opinion de base et l’opinion de bans Ulamaa Hadiith-Athar, c’est qui li pas ene preuve.

(MUSLIM 1/30)

Haafiz Ibnus-Swalaah (643 H) dire :

Cequi nous fine faire mention en cequi concerne pas prend Mursal comme preuve et considère li dans categorie faible, sa c’est Mazhab qui fine etablit d’apres l’opinion la grande majorité de bans Haafiz-Hadiith et bans qui faire critique lor bans Athar. Banla fine écrire sa dans zotte bans livres.

(ULOUM-UL-HADIITH PG 49)

Haafiz Ibn Hajar dire concernant Mursal :

(Mursal) fine etre mentionné dans categorie inacceptable parcequi condition du narrateur qui fine etre eliminé, li inconnu.

(NUZ-HAT-UN-NAZWAR)

Quand nous fine comprend qui Mursal li pas acceptable, li pas acceptable de n’importe qui sanla, meme si li ene Raawiy digne de confiance. Question de Mursal c’est pas est-ce qui narrateur la digne de confiance oubien non, mais c’est ene question de l’ignorance concernant le narrateur eliminé.

Par exemple, le Taabei Muhammad Ibn Muslim Az-Zuhri, Imaam Maalik dire concernant li :

Ibn Shihaab (Az-Zuhri) pas fine ena personne so semblable pendant qui li ti vivant dans Dunyaa.

(AL-JARHU-WAT-TA’DIIL)

Malgré so l’honeur et so connaissance bans Ulamaa pas accepté so Irsaal.

Abu Qudaamah As-Sarakhsi dire :

Yahyaa ibn Sa’iid fine dire : “Mursal de Az-Zuhri li pire qui Mursal de les autres. Cela parcequi li ene Haafiz, et toutes les fois qui li capave faire mention (de so bans narrateurs), li ti pe faire mention. Li simplement pas faire mention de celui qui li pas permettre (li-même) faire mention de li.”

(TAZKIRAT-UL-HUFFAAZ 1/111)

Imaam Ash-Shaafiee dire :

Banla dire qui nous favorise (certains narrateurs). Si nous ti favorise quicaine, nous ti pour favorise Az-Zuhrii. Mais Irsaal de Az-Zuhrii li pas vaut narien, parcequi nous fine trouve li rapporte Hadiith de Sulaymaan ibn Arqam.

(JAAMI-UT-TAHSWIIL 1/90)