Est-ce qui li facile identifié As-Swiraat-Ul-Mustaqiim?
Li facile pour identifier As-Swiraat-ul-Mustaqiim, parcequi li ene chemin éclairé, et aussi parcequi la vérité li ene quitechose manifeste . Même si ena cent chemins travers devant nous, li trop facile pour identifier le seul chemin qui droit.
Le prophète dire :
قَدْ تَرَكْتُكُمْ عَلَى الْبَيْضَاءِ لَيْلُهَا كَنَهَارِهَا لَا يَزِيغُ عَنْهَا بَعْدِي إِلَّا هَالِكٌ
Mo pe quitte zotte lor ene clarté qui so la nuit pareille couma so la journée. Personne pas pour égaré de sa (clarté la) après moi, excepté celui qui pe périr (pe alle détruire li-même).
(IBN MAAJAH 43)
Le prophète dire :
وَالَّذِى نَفْسِى بِيَدِهِ لَقَدْ جِئْتُكُمْ بِهَا بَيْضَاءَ نَقِيَّةً
Serment lor Celui qui mo la vie dans So la main, mo fine vine vers zotte avec sa religion la, claire et pure.
(AHMAD 15546, IRWAA-UL-GHALIIL No 1589)
Sheikh Ibn Baaz dire :
الحق واضح
La vérité li claire.
(NOURUN ALAD-DARB)
Sheikh Swaalih Al-Fawzaan dire :
ومن رحمة الله أن الحق واضح من الكتاب والسنة وهدي السلف الصالح ليس فيه غموض ولا لبس
C’est la pitié d’Allaah qui la vérité li claire depuis Al-Kitaab, As Sunnah et la guidance de bans Salaf pieux. Pas ena ni ambiguïté la-dans et ni confusion.
(IT-HAAF-UL-QAARI 1/64)
Sheikh Swaalih Al-Fawzaan dire :
من أراد الحق وأراد الخير فما عليه إلا أنه يرجع إلى الكتاب والسنة وما عليه جماعة المسلمين وسيجد الحق واضحا وإن كثر الخلاف والفتن والشرور
Celui qui oulé la vérité et li oulé le bien, li ena simplement pour retourne vers Al-Kitaab et As-Sunnah et cequi Jamaat de bans musulmans lor la, li pour trouve la vérité clairement, même si ena divergence, Fitnah et le mal en quantité.
(IT-HAAF-UL-QAARI 2/54)
Celui qui dire qui li difficile pour identifier As-Swiraat-ul-Mustaqiim, li pe faire ene affront avec Allaah, parcequi l’implication de sa parole la c’est pe accuse Allaah comme celui qui ordonne nous pour faire quitechose impossible. Allaah fine informe nous qui Li pas fine mettre difficulté lor nous, couma ene quicaine capave accuse Allaah en disant qui Li pe impose l’impossibilité lor nous!
