Est-ce Qui Nous Prononce Niyyah Avant Swalaat?
Quand nous pe dire qui nous commence Swalaat par Takbiir, sa veut dire qui pas ena aucun Du’aa ou Niyat pour lire avant commence Swalaat et nous pas ena pour prononce narien. Même “Bismillaah” aussi nous pas ena pour prononcé.
Ibn Muflih (763 H) dire :
قَالَ أَبُو دَاوُد لِأَحْمَدَ أَنَقُولُ قَبْلَ التَّكْبِيرِ شَيْئًا قَالَ لَا
Abu Daawoud fine demande Imaam Ahmad :
“Est-ce qui nous dire quitechose avant Takbiir?”
Li fine répondre : “Non.”
(AL-FUROU’ 1/105)
Ibnul Qayyim (751H) dire :
كَانَ صَلّى اللّهُ عَلَيْهِ وَسَلّمَ إذَا قَامَ إلَى الصّلَاةِ قَالَ اللّهُ أَكْبَرُ وَلَمْ يَقُلْ شَيْئًا قَبْلَهَا
Quand le prophète ti pe déboute pour faire Swalaat, li ti pe dire : “Allaahu Akbar” et li pas ti pe dire narien avant sa.
(ZAAD-UL-MA’AAD 1/201)
As-Suyoutwi (911 H) dire :
كانوا لا ينطقون بشيء من نية الصلاة سوى التكبير
Banla pas ti pe prononce narien concernant Niyat Swalaat apart Takbiir.
(AL-AMRU BILIT-TIBAA’)
Shaykh Ibn Baaz dire :
لم يحفظ عن النبي صلى الله عليه وسلم أنه كان يقول شيئا عند الدخول في الصلاة فيما أعلم
Li pas retenu depuis le prophète qui li ti pe dire quitechose avant qui li commence Swalaat, d’après cequi mo conné.
(M. FATAAWAA 29/147)
