L’exemple d’ene savant qui capave ene grand faqiih mais en meme temps faible comme narrateur
Quand bans Ulamaa considère ene narrateur comme ene narrateur faible qui pas capave accepté so Hadiith, sa pas veut dire qui sa narrateur la li nécessairement ene mauvais dimoune. Possible jamais li cause menti, possible li ene personne qui bien pratiquant, et possible li ene grand Imaam dans ene l’autre domaine, mais malgré sa, bans Ulamaa rejete so Hadiith pour les autres bans raisons, tel comme faiblesse so mémorisation oubien qui li pas ti pe prend compte avec qui sanla li prend Hadiith. Meilleur l’exemple d’ene narrateur pareille c’est Imaam Abu Haniifah.
Ibn Hajar (852 H) dire concernant li : Li ene Faqiih (juriste) rénommé.
(TAQRIIB-UT-TAHZIIB 7153)
Par sa parole la, nous comprend qui Imaam Abu Haniifah li ene Imaam connu pour so connaissance de Fiqh, mais sa pas veut dire qui capave accepté so Hadiith, parcequi dans domaine Hadiith li être considéré comme ene narrateur faible.
Abdullaah Ibnul Mubaarak (181 H) dire : Abu Haniifah ti ene pauvre dans Hadiith.
(AL-JARHU WAT-TA’DIIL LIBNI ABI HAATIM 8/449)
Abdullaah Ibnul Mubaarak (181 H) dire : Abu Haniifah ti ene orphelin dans Hadiith.
(AL-MAJROUHIIN LIBNI HIBBAAN 3/71)
Ibn Sa’d (230 H) dire : Li ti faible dans Hadiith.
(AT-TWABAQAAT-UL-KUBRAA 6/368)
Yahyaa Ibn Ma’iin (233 H) dire : Bizin pas écrire so Hadiith.
(AD-DU’AFAA WAL MATROUKIIN LIBNIL JAWZI 3/163/3539)
Quand Yayhaa Ibn Ma’iin pe dire qui bizin pas écrire so Hadiith, sa pas veut dire qui li considère li comme ene menteur. Au contraire Yayhaa Ibn Ma’iin dire qui Imaam Abu Haniifah li pas ene personne qui pour cause menti avec propre connaissance, mais le fait qui Hadiith c’est pas so domaine sa, li arrivé faire erreur sans qui li conné.
Imaam Ahmad Ibn Hambal (241 H) dire : Hadiith Abu Haniifah li faible.
(DU’AFAA-UL-UQAYLI 4/284)
Imaam Bukhaari (256 H) dire : Banla fine reste tranquille concernant li.
(AT-TAARIIKH-UL-KABIIR 8/81/2253)
Quand Imaam Bukhaari servi sa terme la concernant ene narrateur, sa veut dire qui li considère li très faible et qui bizin abandonne so Hadiith.
Imaam Muslim (261 H) dire : Ena contradiction dans so bans Hadiith. Li pas ena beaucoup Hadiith authentique.
(AL-KUNAA WAL-ASMAA 1/276/963)
Imaam An-Nasaaï (303 H) dire : Li pas sa fort la dans Hadiith. Li faire beaucoup fautes et erreurs malgré tigit Hadiith qui li fine rapporté.
(AD-DU’AFAA WAL MATROUKIIN LIBNIL JAWZI 3/163/3539)
Imaam Abu Daawoud so garçon, Abdullaah Ibn Sulaymaan As-Sijistaani (316 H) dire qui bans Imaam de tous bans l’endroits ti d’accord qui Imaam Abu Haniifah so Hadiith bizin rejeté. Parmi nous gagne :
Ayyoub As-Sikhtiyaani – Imaam de Basrah
Sufyaan Ath-Thawri – Imaam de Koufah
Maalik Ibn Anas – Imaam de Madiinah
Al-Layth Ibn Sa’d – Imaam de l’Egypte
Abdur-Rahmaan Al-Awzaaï – Imaam de Ash-Shaam
Abdullaah Ibnul Mubaarak – Imaam de Khuraasaan.
(AL-KAAMIL FII DU’AFAA-IL-RIJAAL 7/10)
Abdullaah Ibn Sulaymaan As-Sijistaani (316 H) dire encore : En tout, Imaam Abu Haniifah fine rapporte 150 Hadiith, la dans li fine faire erreur dans la moitié.
(TAARIIKH BAGHDAAD 13/446)
Ibn Hibbaan (354 H) dire :
Hadiith pas ti so domaine. Li fine rapporte 130 Hadiith Musnad et li pas ti ena les autres Hadiith apart sa. La dans li fine faire erreur dans 120 Hadiith, soit qui li fine mentionne en premier cequi ti bizin mentionne en dernier dans so Isnaad, oubien qui li fine apporte changement dans so Matn sans qui li conné. Quand so erreur fine surpasse so exactitude, li fine merite pas prend li comme preuve dans bans informations (Hadiith).
(AL-MAJROUHIIN LIBNI HIBBAAN 3/63)
Ibn Adi (365 H) dire :
Abu Haniifah li ena bans bons Hadiith (qui li fine rapporté), mais en generale cequi li rapporté c’est erreur, bans fautes de lecture, bans surplus dans Sanad et Matn, et (aussi) bans fautes concernant (noms) bans narrateurs. En generale cequi li rapporté li comme sa. Dans tous bans Hadiith qui li rapporté, narien pas authentique excepté 13-19 Hadiith… (sa c’est) parcequi li pas ti parmi bans Ahl-ul-Hadiith.
(AL-KAAMIL FII DU’AFAA-IL-RIJAAL 7/12)
Ad-Daaraqutni (385 H) dire concernant Abu Haniifah et Al-Hassan Ibn Umaarah: Zotte faibles.
(SUNAN-UD-DAARAQUTNI 1/323)
