Isbaal (ene zomme laisse so linge depasse so cheville)

Quand Abu Lu’luah ti poignard Umar, ene jeunesse ti rentre cote li et ti flate li. Ensuite quand li fine commence retourner, Umar fine trouve li traine so linge, et alors Umar fine dire li :

يَا ابْنَ أَخِي ارْفَعْ ثَوْبَكَ فَإِنَّهُ أَبْقَى لِثَوْبِكَ وَأَتْقَى لِرَبِّكَ

Ô mo neveu, leve to linge, car sa li pour plus durable pour to linge et ena plus Taqwaa la dans pour to Rab.

(BUKHARI 3424)

Donc, Umar li-meme ti dans ene moment de souffrance et l’etat islamique pé demande ene Khaliifah, mais la aussi Umar fine trouve li important pour ordonne sa garçon la pour leve so Izaar la haut so cheville.

Est-ce qui ou pas ene vrai esclave Allaah?

Ibn Umar dire :

دَخَلْتُ عَلَى النَّبِيِّ صَلَّى اللَّهُ عَلَيْهِ وَسَلَّمَ وَعَلَيَّ إِزَارٌ يَتَقَعْقَعُ فَقَالَ مَنْ هَذَا قُلْتُ عَبْدُ اللَّهِ بْنُ عُمَرَ قَالَ إِنْ كُنْتَ عَبْدَ اللَّهِ فَارْفَعْ إِزَارَكَ فَرَفَعْتُ إِزَارِي إِلَى نِصْفِ السَّاقَيْنِ…فَلَمْ تَزَلْ إِزْرَتَهُ حَتَّى مَاتَ

(Ene fois) mo fine rentre cote le prophète, et ti ena ene Izaar lor moi qui ti pe faire ene ti-tapage (parcequi li ti pe trainé).

Le prophète fine dire :

“Qui sanla sa?”

Mo fine répondre :

“Abdullaah Ibn Umar”

Le prophète fine dire :

“Si vraiment to Abdullaah (ene serviteur/esclave d’Allaah ), leve to Izaar.”

Alors, mo fine lève li jusqua la moitié tibia.

Zayd Ibn Aslam dire :

Sa fine continué reste longueur so Izaar jusqua qui li fine mort.

(AHMAD 5981)

Est-ce qui ou pas peur Allaah?

Rapporté par As-Shariid :

أَبْصَرَ رَسُولُ اللَّهِ صَلَّى اللَّهُ عَلَيْهِ وَسَلَّمَ رَجُلًا يَجُرُّ إِزَارَهُ فَأَسْرَعَ إِلَيْهِ أَوْ هَرْوَلَ فَقَالَ ارْفَعْ إِزَارَكَ وَاتَّقِ اللَّهَ قَالَ إِنِّي أَحْنَفُ تَصْطَكُّ رُكْبَتَايَ

Le messager d’Allaah fine trouve ene dimoune traine so Izaar, et alors li fine precipite vers li et li fine dire li :

“Leve to Izaar et gagne Taqwaa pour Allaah.”

Dimoune la fine répondre :

“Mo affecté par ene deformation dans mo lipied qui mo genoux frotte ene avec l’autre.”

فَقَالَ ارْفَعْ إِزَارَكَ فَإِنَّ كُلَّ خَلْقِ اللَّهِ عَزَّ وَجَلَّ حَسَنٌ

Le prophète fine dire li :

“Leve to Izaar, car tous cequi Allaah fine créé li joli.”

فَمَا رُئِيَ ذَلِكَ الرَّجُلُ بَعْدُ إِلَّا إِزَارُهُ يُصِيبُ أَنْصَافَ سَاقَيْهِ أَوْ إِلَى أَنْصَافِ سَاقَيْهِ

Aprés sa, pas fine touve sa dimoune la excepté qui so Izaar arrête jusqua la moitié so tibia.”

(AHMAD 18656 / S.1441)

Mo frère,

Guette comment le prophète fine precipité pour ordonne sa dimoune la pour leve so linge. Est-ce qui sa pas montré ou gravité de sa péché la?

Le prophète pas fine alle demande li : “Qui faire to pe traine to linge”, et ensuite si li ti pe faire sa avec l’arrogance, a ce moment la li ti pour ordonne li pour leve so Izaar. Mais le prophète fine alle ordonne li directement pour leve so linge. Sa indique nous qui pas ena difference entre celui qui faire li avec l’arrogance et celui qui faire li sans l’arrogance, dans le sens qui tous les deux Haraam. 

Quand le prophète fine ordonne sa dimoune la pour leve so Izaar, li fine dire li : “Gagne Taqwaa Allaah”. Nous conné qui definition de Taqwaa c’est qui nous faire cequi Allaah fine ordonne nous et nous abstenir de cequi Allaah fine empeche nous. Donc, sa montré nous qui Allaah fine ordonne nous pour leve nous linge la haut nous cheville, et Allaah fine empeche nous laisse nous linge depasse nous cheville.

D’après sa l’événement la, nous trouvé clairement qui sa dimoune la pas ti pe laisse so linge depasse so cheville avec l’arrogance, parcequi li ti pe faire sa juste pour cachiette defaut qui ti ena dans so lipied. Mais la aussi le prophète pas fine permette li laisse so linge depasse so cheville. Astère avec qui pretexte ou pe continué suivre la mode de ou bans l’ennemis et ou pe crase la loi Allaah? 

Guette sa dimoune la comment fine reagir quand li fine gagne ene l’ordre depuis so prophète. Est-ce qui ou aussi ou pas supposé reagir pareille quand ou gagne ene l’ordre depuis ou prophète?

Attention l’enfer!

Le prophète dire :

مَا أَسْفَلَ مِنَ الْكَعْبَيْنِ مِنَ الْإِزَارِ فَفِي النَّارِ

Partie Izaar qui embas cheville pour dans du feu (l’enfer).

(BUKHARI 4/73/5341)

Mo frère,

Sa c’est punition de celui qui laisse so linge depasse so cheville sans l’arrogance; li pour brulé dans l’enfer. Quant à celui qui faire li avec l’arrogance, so punition plus grave : Allaah pas pour guette li jour Qiyaamah.

•         Allaah pas pour cause avec li.
•         Allaah pas pour purifié li.
•         Pour ena ene punition douloureux pour li.