Joué Sauvé Pour Pas Tire Zakaat

Normalement pour qui Zakaat vine obligatoire lor ene quitechose faudrait qui sa quitechose la fine reste cote so propriétaire pendant un an au complet. Si propriétaire la vendre sa quitechose la avant qui gagne un an, avec l’intention joué sauvé pour pas tire Zakaat, pas ena doute qui li pas gagne droit faire ene action pareille.

Par exemple :
Ene ou deux semaines avant Hawl, li vendre ene partie de so richesse pour qui so richesse vine moins qui Niswaab.
Ene ou deux semaines avant Hawl, li donne ene partie de so richesse à so madame comme ene cadeau pour qui so richesse vine moins qui Niswaab.

Ibn Taymiyyah dire :

ولا يحل الاحتيال لإسقاط الزكاة

Li pas permissible faire truquage pour enleve obligation Zakaat.

(AL-IKHTIYAARAAT)

Comité Fatwaa de l’arabie saoudite dire :

لا يجوز لمن وجبت عليه الزكاة أن يتحايل عليها

Celui qui Zakaat fine vine obligatoire lor li, li pas gagne droit faire truquage pour pas tire Zakaat.

(FATAAWAL-LAJNAH 9/195)

Sheikh Albaani dire :

فإني أرى أن يؤخذ منه الزكاة وشطر ماله … فإن المحتال أولى بهذا الجزاء من الممتنع دون حيلة

Mo l’opinion c’est qui (l’état) prend de li, (so) Zakaat et la moitié so richesse …. Celui qui triché, li plus mérite sa punition la qui celui qui refuse tire so Zakaat sans truquage.

(TAMAAM-UL-MINNAH, pg 359)