Le vrai definition de Taqwaa

Taqwaa dans la langue arabe veut dire ene barrière.

Dans Sharii’ah, Taqwaa c’est qui ene personne mettre ene barrière entre li et la colère d’Allaah, c.à.d., li reste loin de tous cequi provoque la colère d’Allaah. En vérité, Taqwaa c’est la frayeur d’Allaah qui nous développé dans nous qui sa faire nous vivre dans So l’obéissance et li repousse nous de So désobéissance, afin qui nous protège nous-même contre So colère et So punition.

Ene vrai Muttaqi c’est celui qui so la frayeur pour Allaah, faire li reste loin de bans Haraam.

Dans Tafsiir de parole Allaah (Gagne Taqwaa Allaah couma bizin), Ibn Mas’oud dire:

أَنْ يُطَاعَ فَلاَ يُعْصَى وَأَنْ يُذْكَرَ فَلاَ يُنْسَى وَأَنْ يُشْكَرَ فَلاَ يُكْفَرُ

C’est qui to obéir Li, to pas désobéir Li, to pense Li, to pas oublié Li, to remercié Li, to pas montré l’ingratitude envers Li.

(MUSWANNAF IBN ABI SHAYBAH 35695, S.D 6909)

Twalq Ibn Habiib dire :

وَالتَّقْوَى تَرْكُ الْمَعَاصِي عَلَى نُورٍ مِنَ اللهِ مَخَافَةَ عِقَابِ اللهِ عَزَّ وَجَلَّ

Taqwaa c’est qui to délaisse bans péchés, lor ene lumière depuis Allaah, avec la frayeur punition Allaah.

(HILYAT-UL-AWLIYAA 3/64)

Umar Ibn Abdil Aziiz (101 H) dire :

لَيْسَ تَقْوَى اللَّهِ بِصِيَامِ النِّهَارِ وَلَا بِقَيَامِ اللَّيْلِ وَالتَّخْلِيطِ فِيمَا بَيْنَ ذَلِكَ وَلَكِنَّ تَقْوَى اللَّهِ تَرْكُ مَا حَرَّمَ اللَّهُ وَأَدَاءُ مَا افْتَرَضَ اللَّهُ

Taqwaa-Allaah c’est pas l’observation de Roza pendant la journée et nonplus déboute pendant la nuit et faire désordre entre sa. Mais Taqwaa-Allaah c’est abandonne cequi Allaah fine décrète Haraam et accomplir cequi Allaah fine faire Faraz.

(AZ-ZUHD-UL-KABIIR 974)

Ibn Taymiyyah (728 H) dire :

وَالتَّقْوَى فِعْلُ مَا أَمَرَ اللَّهُ بِهِ وَتَرْكُ مَا نَهَى اللَّهُ عَنْهُ

Taqwaa c’est faire cequi Allaah fine ordonné et délaisse cequi Allaah fine empêché.

(M. FATAAWAA 11/619)