Les deux conditions pour qui Zakaat vine Obligatoire
- An- Niswaab
Zakaat pas obligatiore lor tous musulmans, même qui quantité richesse zotte possédé, mais li obligatoire seulement lor bans musulmans qui zotte richesse fine atteindre ene quantité spécifique. C’est sa quantité la même qui connu dans Sharii’ah comme An-Niswaab.
Le prophète dire :
لَيْسَ فِيمَا دُونَ خَمْسِ ذَوْدٍ صَدَقَةٌ مِنَ الإِبِلِ وَلَيْسَ فِيمَا دُونَ خَمْسِ أَوَاقٍ صَدَقَةٌ وَلَيْسَ فِيمَا دُونَ خَمْسَةِ أَوْسُقٍ صَدَقَةٌ
Pas ena Swadaqah dans moins qui cinq chameaux. Pas ena Swadaqah dans moins qui cinq Awqiyah en l’argent. Pas ena Swadaqah dans moins qui cinq Wasq.
(BUKHARI 1447)
Sa Hadiith la prouve nous qui Zakaat li pas obligatoire excepté lor ene richesse qui fine atteindre ene quantité spécifique.
- Al – Hawl
Si nous richesse fine atteindre Niswaab, Zakaat pas vine obligatoire lor nous aussi longtemps qui sa richesse la pas fine reste cote nous pendant un an au complet. C’est sa période la même qui connu dans Sharii’ah comme Al-Hawl.
Le prophète dire :
لاَ زَكَاةَ فِى مَالٍ حَتَّى يَحُولَ عَلَيْهِ الْحَوْلُ
Pas ena Zakaat lor ene richesse jusqu’à qui un an fine traverse lor la (sans qui li diminué).
(IBN MAAJAH 1864)
Abdullaah Ibn Umar dire :
لاَ تَجِبُ فِى مَالٍ زَكَاةٌ حَتَّى يَحُولَ عَلَيْهِ الْحَوْلُ
Zakaat pas obligatoire dans ene richesse jusqu’à qui un an traverse lor li.
(MUWATTWA’ 586)
