Naissance de ban Shii’ah (Raafidwah)
Bans savants fine dire qui le commencement de Ar-Rafd ti par le athée Abdullaah Ibn Saba’. Li ti déclare qui li fine accepté l’Islaam et qui (en vérité) li ti pe cachiette le judaïsme à l’intérieur de li. Li fine cherche pour corrompre l’Islaam.
(Ibn Taymiyyah)
Après la mort du prophète, bans Swahaabah fine accepté Abu Bakr comme le chef de bans musulmans, et pas ti ena aucun discussion lor sa point la. Après la mort de Abu Bakr, Umar fine vine le chef de bans musulmans à travers nomination de Abu Bakr et sans aucun divergence de la part de kit Swahaabi.
Après l’assassinat de Umar, bans Swahaabah fine choisir Uthmaan comme le chef de bans musulmans, et sa aussi pas fine ena divergence lor la. Mais pendant le Khilaafah de Uthmaan, ene juif depuis Yémen (Swan’aa), nommé Abdullaah Ibn Saba’, fine declare rentre dans l’Islaam, li fine voyage vers Hijaaz, Basrah, Koufah, Ash-Shaam et l’Égypte, et ensuite pour dévier bans musulmans, li fine commence propage deux conceptions principales :
- Ali Ibn Abi Twaalib ti plus mérite vine Khaliifah, parcequi li ene membre de Ahl-ul-Bayt.
- Le prophète ti fini dire qui Ali Ibn Abi Twaalib bizin vine Khaliifah après li, mais bans Swahaabah fine coquin so droit.
Ibn Taymiyyah dire :
فَإِنَّ الَّذِي ابْتَدَعَ الرَّفْضَ كَانَ يَهُودِيًّا أَظْهَر الْإِسْلَامَ نِفَاقًا
Celui qui fine invente Ar-Rafd c’était ene juif qui hypocritement ti pe déclare-li ene musulman.
(M. FATAAWAA)
Avec les temps, Abdullaah Ibn Saba’ et so bans suiveurs fine vine avec certaines conceptions plus pourries :
- Ali Ibn Abi Twaalib pour retourné pour qui li prend vengeance avec bans qui fine coquin so droit.
- Ali li-même bondieu.
Avec les temps, bans suiveurs de sa tendance la fine invente les autres bans fausses conceptions encore :
- Al-Badaa’
- At-Taqiyyah
- Bans Imaam pas faire erreur
- Bans Imaam conne Ghaib, etc….
Donc, le commencement de bans Shii’ah c’est par le juif Abdullaah Ibn Saba’.
Sheikh Hammaad Al-Answaari (1418 H) dire : Aqeedah Raafidwah fine vine depuis bans non-arabes. Quant à bans arabes, banla pas ti bans Raafidwah. Mais après qui bans non-arabes fine mêle avec bans arabes, fine ena Raafidwah parmi bans arabes.
L’origine de Shii’ah c’était le juif Abdullaah Ibn Saba’, certains Raafidwah dire qui sa c’est ene accusation de bans Sunni lor bans Shii’ah. En vérité, jamais bans Sunni fine fabrique kit mensonge contre bans Raafidwah. Couma sa capave consideré comme ene accusation, quand en vérité, plusieurs bans savants Shii’ah fine affirme l’existence de Abdullaah Ibn Saba’, tel comme Al-Qummi dans so livre (Al-Maqaalaat Wal Firaq), An-Noubakhti dans so livre (Firaq-ush-Shii’ah) et Al-Kish-shi dans so livre (Rijaal-ul-Kish-shi)?
