Nous stand envers erreurs de ban Savants

Nous Faire Différence Entre Bid’ah Et Bidati

Sheikh Rabii’ Al-Madkhali dire :

Pas n’importe qui sanla qui fine tombe dans ene Bid’ah, li vine ene Bidati.

(AL-LUBAAB)

Faire Différence Entre Celui Qui So Usoul C’est Sunnah Et Celui Qui So Usoul C’est Bid’ah

Sheikh Albaani dire :

Ena deux conditions pour qui nous considère ene quicaine comme Bidati. Premier condition c’est qui li pas pe faire Ijtihaad, mais li pe suivre so passion, et deuxième c’est qui c’est sa so l’habitude.

(AL-IBAANAH)

Sheikh Swaalih As-Suhaymi dire :

Mo faire différence entre celui qui d’origine, Bid’ah c’est so Manhaj lor lequel li bâtir tous so bans zaffaires… et celui qui li arrivé tombe dans ene parmi bans Bid’ah sans qui sa li ene principe de so Da’wah ou ene principe de so Manhaj.

Celui qui Bid’ah c’est ene principe (de base) de so Manhaj et so Da’wah, pas ena doute qui li ene Bidati.

(DAF BAGHY-IL-JAA-IR)

Ene Aalim Faire Certaines Erreurs, Sa Li Ene Quitechose Normale

Ibn Taymiyyah dire :

Pas ena doute qui bans erreurs dans la connaissance minutieuse, sa Ummat la fine être pardonné pour sa, même si c’est dans bans Masaa-il concernant Aqeedah. Si sa pas ti comme sa, majorité bans vertueux de sa Ummat la ti pour périr.

(M. FATAAWAA)

Ibnul Qayyim (751 H) dire :

Ene Aalim li capave faire ene erreur, et li bizin arrivé faire erreur, parcequi li pas Ma’soum. Alors, li pas permissible accepté tous cequi li dire et considère so parole comme parole du Ma’soum (c.à.d., comme parole du prophète).

(I’LAAM-UL-MUWAQQI’IIN)

Pas rejette ene savant au complet a cause certains erreurs

Abu Moussa Al-Madiini (571 H) dire :

Li rare qui ene Imaam pas fine faire erreur. Si nous pour délaisse li à cause so erreur, nous pour bizin délaisse beaucoup Imaam et sa c’est pas ene quitechose qui nous faire.

(SIYAR)

Ibn Taymiyyah dire :

Pas ena  personne parmi  bans  grandes  personnalités  de sa Ummat la – parmi bans premiers précédents et bans qui après banla – excepté qui zotte ena bans paroles ou actions qui zotte pas ti conne Sunnah concernant sa. Sa c’est ene chapitre vaste qui pas capave énuméré. Mais sa li pas diminué zotte valeur et li pas permissible suivre banla dans sa bans quitechoses la.

(AL-FATAAWAL-KUBRAA)