Quand ene personne accepté l’Islaam, li être appellé pour croire dans l’unicité d’Allaah :
Allaah en tant que le Créateur Unique,
Li tout seul qui propriétaire de tous pouvoirs et tous capacités ;
C’est Allaah Seul qui donne la vie C’est Allaah Seul qui donne la mort
C’est Allaah Seul qui donne la santé C’est Allaah Seul qui donne maladie
C’est Allaah Seul qui donne l’intelligence C’est Allaah Seul qui donne la compréhension
C’est Allaah Seul qui donne zenfants C’est Allaah Seul qui donne richesse
C’est Allaah Seul qui donne beauté C’est Allaah Seul qui donne la force
C’est Allaah Seul qui donne le courage C’est Allaah Seul qui donne bénédiction
C’est Allaah Seul qui donne le pardon.

Si après qui sa personne là fine accepté l’Islaam, li adopté Aqeedah Salafiyyah, li pour être enseigné qui capacité Allaah c’est juste Allaah qui possède sa, et alors, qui li ene prophète ou ene ange ou ene Wali, en tant qu’ene créature, li pas possède narien de la capacité d’Allaah.

Mais si après qui sa personne là fine accepté l’Islaam, li adopté Aqeedah de Bareilwi Jamaat, li pour être enseigné qui la capacité d’Allaah, tous les temps Allaah fine ena Sa capacité la, et c’est sa même qui appelle capacité Zaati, mais ensuite Allaah fine donne So capacité à So prophète, et c’est sa même qui appelle capacité Atwaaï, et alors, pareille couma Allaah ena capacité Zaati pour donne la vie et la mort, coumesa même, le prophète aussi ena capacité Atwaaï pour donne la vie et la mort. Ensuite le prophète, en tant qu’ene prophète généreux, li pas fine garde sa capacité là juste pour li, mais li fine partage so capacité à bans Awliyaa aussi.

Basant lor là, pareille couma le prophète ena capacité Atwaaï pour donne la santé ou maladie, Abdul Qaadir Jiilaani aussi ena capacité Atwaaï pour donne la santé ou maladie. Ensuite sa personne qui pe adopté Aqeedah de Bareilwi Jamaat là, li pour être aussi enseigné qui celui qui pe faire Du’aa, pareille couma li dire “Ô Allaah, guérit-moi!”, avec la conception qui Allaah ena capacité Zaati pour guérit li, coumesa même, li capave dire: “Ô prophète, faire mo madame gagne ene zenfant!”, oubien “Ô Abdul Qaadir Jiilaani, faire mo zenfant passe so l’examen!”, avec la conception qui vraiment le prophète ou Abdul Qaadir Jiilaani ena capacité Atwaaï pour donne li cequi li pe bizin.

Bans Salafi dire qui Aqeedah Bareilwi c’est ene Aqeedah Shirk, tandis qui bans Bareilwi, banla dire qui pas ena narien Shirk dans zotte Aqeedah. Parmi bans qui fine déboute pour défendre sa Aqeedah Shirk de Bareilwi Jamaat là, nous gagne ene quicaine qui fine mettre ene nom Shirk avec li: Abdul Mustwafaa. Effectivement A.Mustawafaa fine écrire ene livre lor sa sujet la, comme ene réfutation lor moi, avec titre: Capacité de Rasoulullâh selon Qur’ân et Hadeeth.

Pour prouver qui A.M so réfutation li ene fausse réfutation qui pe vine pour passe Shirk comme Tawheed, mo pe re écrire sa livret qui li fine prétendre qui li fine réfute moi lor là, avec bans explications surplus. Mo faire Du’aa qui avec sa nouveau livret là, Allaah sauve bans qui sincères depuis Shirk et Li amène banla vers Tawheed pure qui bans Swahaabah du prophète ti lor là.

Abu Laylaa Shabbir

  Download livre  – Shirk Qui Abdul Mustafa Pe Invite Vers Sa, Mais Jamais Li Pour Disposé Vine Faire Débat Lor La