Si Li pas permissible ena bâtiment lor Qabr, qui faire Qabr du prophète trouve dans la chambre d’Aisha ?
‘Abdul-Mustwafâ dire :
Prend depuis Wafaat de Rasoulullâh (en l’année 11 Hijriy) jusqu’à azordi (l’année 1434 Hijriy), Qabr de Rasoulullâh trouve dans enn chambre. Si jamais li ti interdit pou éna enn bâtiment autour enn qabr, alors Ki faire Qabr de Rasoulullâh trouve dans enn chambre ??? Eski bann Swahâbah finn faire erreur quand zott finn enterre Rasoulullâh là-bas ???
Dans ça même chambre, éna qabr de Sayyidunâ Abou Bakr et Sayyidunâ ‘Umar.
Qaari Mansoor dire concernant l’interdiction construire quitechose lor bans Qabr :
Eski ça interdiction-là applique seulement pou bann Waliyyullâh oubien li applique aussi pou Rasoulullâh? Si li appliquer, eh bien ki Wahhâbiy pou dire concernant Qabr Rasoulullâh ki éna mur quatre cotés et ena ene toit? Jâïz ou pas Jâïz?
(RUDOUD SUNNIYYAH, PG 24)
Réponse :
(1)
Premier quitechose qui nous bizin conné c’est qui jamais le prophète fine être enterré dans Al-Masjid-un-Nabawi. Tous bans Ulamaa d’accord, sans aucun divergence, qui le prophète ti être enterré dans la chambre de Aaishah.
Rapporté par Aaishah :
فَلَمَّا كَانَ يَوْمِى قَبَضَهُ اللَّهُ بَيْنَ سَحْرِى وَنَحْرِى وَدُفِنَ فِى بَيْتِى
Quand fine arrive so jour qui li traverse cote moi, Allaah fine prend so Rouh pendant qui so la tête ti entre mo poumon et le haut de mo poitrine, et li fine être enterré dans mo lacaze.
(BUKHARI 1389)
A cause qui le prophète ti enterré dans la chambre de Aaishah, c’est pour sa raison la qui Umar ti faire demande Aaishah permission afin qui li être enterré près cote le prophète.
Rapporté par Amr Ibn Maymoun :
قَالَ … انْطَلِقْ إِلَى عَائِشَةَ أُمِّ الْمُؤْمِنِينَ فَقُلْ يَقْرَأُ عَلَيْكِ عُمَرُ السَّلاَمَ وَلاَ تَقُلْ أَمِيرُ الْمُؤْمِنِينَ فَإِنِّى لَسْتُ الْيَوْمَ لِلْمُؤْمِنِينَ أَمِيرًا وَقُلْ يَسْتَأْذِنُ عُمَرُ بْنُ الْخَطَّابِ أَنْ يُدْفَنَ مَعَ صَاحِبَيْهِ
(Quand Umar ti être poignardé), li fine dire à so garçon Abdullaah :
“Alle cote Aaishah, maman de bans Mu’min, dire (li) : Umar pé faire ou Salaam. Pas dire : Chef de bans musulmans, car azordi mo n’est plus ene chef pour bans musulmans. Dire li : Umar pé demande ou la permission pour qui li être enterré ensemble avec so deux compagnons!”
(BUKHARI 3700)
Ibn Kathiir dire :
قَدْ عُلِمَ بِالتَّوَاتُرِ أَنَّهُ عَلَيْهِ الصَّلَاةُ وَالسَّلَامُ دُفِنَ فِي حُجْرَةِ عَائِشَةَ الَّتِي كَانَتْ تَخْتَصُّ بِهَا شَرْقِيَّ مَسْجِدِهِ
Li connu dans ene façon Mutawaatir qui le prophète fine être enterré dans la chambre de Aaishah qui ti particulièrement à li, dans l’est de so Masjid.
(AL-BIDAAYAH WAN-NIHAAYAH 5/293)
(2)
Quant à argument “le prophète fine être enterré dans ene la chambre et ene la chambre c’est ene bâtiment”, sa li pas ene preuve pour dire qui li permissible construire Dargah, parcequi :
Bans Swahaabah pas fine monte aucun bâtiment lor Qabr du prophète, mais banla fine simplement enterre li dans place cote li fine mort, basant lor Hadiith du prophète.
Rapporté par Aaishah :
لَمَّا قُبِضَ رَسُولُ اللَّهِ صلى الله عليه وسلم اخْتَلَفُوا فِي دَفْنِهِ فَقَالَ أَبُو بَكْرٍ سَمِعْتُ مِنْ رَسُولِ اللَّهِ صلى الله عليه وسلم شَيْئًا مَا نَسِيتُهُ قَالَ مَا قَبَضَ اللَّهُ نَبِيًّا إِلَّا فِي الْمَوْضِعِ الَّذِي يُحِبُّ أَنْ يُدْفَنَ فِيهِ ادْفِنُوهُ فِي مَوْضِعِ فِرَاشِهِ
Quand le messager d’Allaah fine mort, banla fine divergé en cequi concerne so l’enterrement. Alors, Abu Bakr fine dire :
“Mo fine entendre le messager d’Allaah dire ene parole qui mo pas fine oublié; li fine dire : Allaah pas prend Rouh d’ene prophète excepté dans place qui li ti content pour être enterré là-bas….Alors, enterre li dans place de so lilit.”
(TIRMIZI 939)
Le prophète dire :
مَا قَبَضَ اللَّهُ نَبِيًّا إِلَّا فِي الْمَوْضِعِ الَّذِي يُحِبُّ أَنْ يُدْفَنَ فِيهِ
Allaah pas prend Rouh d’ene prophète excepté dans l’endroit cote sa prophète la ti content qui li être enterré là-bas.
(TIRMIZI 939)
Qui faire bans Swahaabah fine enterre le prophète dans la chambre de Aaishah et zotte pas fine alle enterre li dans Baqii’, réponse de sa question là c’est qui sa li forme parti bans particularités du prophète, et sagesse derrière l’enterrement du prophète dans ene la chambre c’est qui Allaah fine décrète li comme sa afin qui Qabr du prophète pas visible a bans dimounes, et alors, sa empêche banla pour adore sa Qabr là.
Rapporté par Aaishah :
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ فِي مَرَضِهِ الَّذِي لَمْ يَقُمْ مِنْهُ لَعَنَ اللَّهُ الْيَهُودَ وَالنَّصَارَى اتَّخَذُوا قُبُورَ أَنْبِيَائِهِمْ مَسَاجِدَ لَوْلَا ذَلِكَ أُبْرِزَ قَبْرُهُ غَيْرَ أَنَّهُ خَشِيَ أَوْ خُشِيَ أَنَّ يُتَّخَذَ مَسْجِدًا
Le messager d’Allaah ti dire (sa) pendant so maladie qui li pas ti ré gagne so la santé après sa : “Qui Allaah envoye malédiction lor bans juifs et bans chrétiens, car banla fine prend Qabr de zotte bans prophètes comme Masjid.”
Si le prophète pas ti dire sa, (bans Swahabah) ti pour laisse so Qabr au clair (visible ouvertement). Mais (le prophète / banla) fine peur attention qui bans dimounes prend so Qabr comme Masjid (et alors, banla fine enterre li à l’intérieur de so lacaze).
(BUKHARI 1301)
D’après parole de Aaishah, nous comprend qui raison pour laquelle Allaah fine décrète qui le prophète être enterré à l’intérieur d’ene bâtiment c’est afin qui so Qabr reste cachiette et bans dimounes pas gagne accès à sa pour alle faire Shirk là-bas. Sa c’est ene quitechose qui bans Swahaabah fine faire li juste pour le prophète, et à cause qui le prophète li pas pareille couma personne dans sa Ummat la, sa prouvé qui les autres membres de sa Ummat la bizin enterre zotte dans Qabrastaan même et nonplus à l’intérieur de kit bâtiment.
Az-Zahabi (748 H) dire :
وَأَمَّا دَفْنُهُ فِي بَيْتِ عَائِشَةَ صَلَوَاتُ اللهِ عَلَيْهِ وَسَلاَمُهُ فَمُخْتَصٌّ بِهِ
Quant à l’enterrement du prophète dans lacaze de Aaishah, sa c’est ene quitechose particulièrement à li.
(SIYAR 8/30)
Bans Swahaabah fine enterre le prophète à l’intérieur d’ene bâtiment afin qui Qabr du prophète pas vine ene Dargah. Bidati vine avance l’action de bans Swahaabah comme preuve pour dire qui li permissible construire Dargah !!
Question qui posé c’est :
Si sa quitechose la ti particulièrement pour le prophète, qui faire bans Swahaabah fine enterre Abu Bakr et Umar dans sa même place là au lieu alle enterre les deux dans Qabrastaan Baqii’?
La réponse :
- Bans Swahaabah pas fine faire sa avec l’esprit “Enterre Abu Bakr et Umar à l’intérieur d’ene bâtiment”, mais banla fine plutôt faire sa avec l’esprit “Enterre Abu Bakr et Umar ensemble avec le prophète.”
- Bans Swahaabah fine faire sa avec l’esprit qui zotte pé enterre Abu Bakr et Umar dans ene place cote déjà ena ene Qabr.
- Dans Sharii’ah, ene quitechose qui pé suivre ene l’autre quitechose, la loi de sa premier quitechose là li applique lor sa deuxième-là. Quand fine déjà ena Qabr du prophète dans sa place la, sa deux Qabr là, même qui pas gagne droit enterre quicaine à l’intérieur d’ene bâtiment, la loi Qabr du prophète applique lor sa deux Qabr-là.
(3)
Sagesse derrière l’empêchement monte bâtiment lor ene Qabr c’est afin qui li pas attire bans dimounes vers Shirk. A aucun moment bans Swahaabah pas fine faire sa quitechose empêché la avec Qabr du prophète, au contraire, banla fine cachiette so Qabr dans ene façon qui personne pas capave alle faire Shirk là-bas. Donc, l’action de bans Swahaabah li pas du tout ene preuve pour dire qui li permissible monte Dargah lor bans Qabr, car cequi banla fine faire c’est zotte fine empêche dimounes gagne accès à Qabr du prophète, tandis qui ene Dargah qui être construit, li invite bans bans dimounes pour gagne accès à sa Qabr là.
(4)
Quant à argument “bans Swahaabah ti inclure Qabr du prophète dans Al-Masjid-un-Nabawi”, sa li fausse, parcequi quand bans Swahaabah ti renouvelé construction Masjid du prophète, banla pas ti faire Qabr du prophète rentre dans Al-Masjid-un-Nabawi. C’est après qui Qabr du prophète fine être inclus dans Al-Masjid-un-Nabawi.
Rapporté par Abdullaah Ibn Umar :
أَنَّ الْمَسْجِدَ كَانَ عَلَى عَهْدِ رَسُولِ اللَّهِ صلى الله عليه وسلم مَبْنِيًّا بِاللَّبِنِ وَسَقْفُهُ الْجَرِيدُ وَعُمُدُهُ خَشَبُ النَّخْلِ فَلَمْ يَزِدْ فِيهِ أَبُو بَكْرٍ شَيْئًا
Dans l’époque du messager d’Allaah, Masjid ti être construit avec bans briques secs, so toit ti avec feuilles tamme et so poteau ti avec du bois pied-tamme. Abu Bakr pas ti ajoute narien la-dans.
وَزَادَ فِيهِ عُمَرُ وَبَنَاهُ عَلَى بُنْيَانِهِ فِى عَهْدِ رَسُولِ اللَّهِ صلى الله عليه وسلم بِاللَّبِنِ وَالْجَرِيدِ وَأَعَادَ عُمُدَهُ خَشَبًا
Umar ti ajoute la-dans et li ti faire construire li couma li ti être construit dans l’époque du messager d’Allaah, avec briques secs et feuilles tamme, et li fine ré mettre so poteau en du bois.
ثُمَّ غَيَّرَهُ عُثْمَانُ فَزَادَ فِيهِ زِيَادَةً كَثِيرَةً وَبَنَى جِدَارَهُ بِالْحِجَارَةِ الْمَنْقُوشَةِ وَالْقَصَّةِ وَجَعَلَ عُمُدَهُ مِنْ حِجَارَةٍ مَنْقُوشَةٍ وَسَقَفَهُ بِالسَّاجِ
Ensuite Uthmaan fine change li et li fine faire ene grand l’ajoute la-dans. Li fine faire so murailles avec roches gravés et la chaux. Li fine faire so poteau avec roche gravé et so toit avec Saaj (ene du bois qui sorti depuis l’inde).]
(BUKHARI 446)
Sa Athar la prouve nous qui Umar et Uthmaan ti agrandi Al-Masjid-un-Nabawi, mais zotte pas ti touche la chambre de Aaishah dans laquelle ti ena Qabr du prophète.
Rapporté par Mahmoud Ibn Labiid :
أَنَّ عُثْمَانَ بْنَ عَفَّانَ أَرَادَ بِنَاءَ الْمَسْجِدِ فَكَرِهَ النَّاسُ ذَلِكَ فَأَحَبُّوا أَنْ يَدَعَهُ عَلَى هَيْئَتِهِ فَقَالَ سَمِعْتُ رَسُولَ اللَّهِ صلى الله عليه وسلم يَقُولُ مَنْ بَنَى مَسْجِدًا لِلَّهِ بَنَى اللَّهُ لَهُ فِى الْجَنَّةِ مِثْلَهُ
Uthmaan Ibn Affaan ti décide construire Masjid (du prophète), mais bans dimounes ti détesté sa et banla ti content qui li quitte li couma li été. Alors, Uthmaan fine dire : “Mo fine entendre le messager d’Allaah dire : Celui qui construire ene Masjid à cause Allaah, Allaah construire so semblable pour li dans Jannah….”
(MUSLIM 1218)
(5)
Celui qui fine inclure la chambre de Aaishah dans Al-Masjid-un-Nabawi c’est pas bans Swahaabah, mais c’est Al-Waliid Ibn Abdil Malik (96 H).
Ibn Taymiyyah dire :
وَجَابِرُ بْنُ عَبْدِ اللَّهِ مَاتَ سَنَةَ ثَمَانٍ وَسَبْعِينَ بِالْمَدِينَةِ وَهُوَ آخِرُ مَنْ مَاتَ بِهَا وَالْوَلِيدُ أَدْخَلَ الْحُجْرَةَ بَعْد ذَلِكَ بِمُدَّةِ طَوِيلَةٍ نَحْوَ عَشْرِ سِنِينَ
Jaabir Ibn Abdillaah fine mort en l’année 78 H à Madiinah et li le dernier (parmi bans Swahaabah) qui fine mort à Madiinah. Al-Waliid fine inclure la chambre de Aaishah, ene longue laps de temps après sa, apeuprès dix ans (après sa).
وَبِنَاءُ الْمَسْجِدِ كَانَ بَعْدَ مَوْتِ جَابِرٍ فَلَمْ يَكُنْ قَدْ بَقِيَ بِالْمَدِينَةِ أَحَدٌ
Construction Masjid ti après la mort de Jaabir. Pas ti reste personne (parmi bans Swahaabah) à Madiinah.
(M. FATAAWAA 27/419)
Ibn Abdil Haadi (744 H) dire :
والوليد تولى سنة ست وثمانين وتوفي سنة ست وتسعين فكان بناء المسجد وإدخال الحجرة فيه فيما بين ذلك
Al-Waliid ti vine au pouvoir en l’année 86 H et li fine mort en l’année 96 H. Construction Masjid et inclure la chambre de Aaishah la-dans, li ti dans sa l’intervalle la.
(AS-SWAARIM-UL-MANKI)
Dans Al-Bidaayah Wan-Nihaayah 9/74, Ibn Kathiir dire qui c’est en l’année 88 H qui Al-Waliid ti ordonne pour inclure la chambre de Aaishah dans l’agrandissement Al-Masjid-un-Nabawi.
Li dire :
فَأَدْخَلَ فِيهِ الْحُجْرَةَ النَّبَوِيَّةَ – حُجْرَةَ عَائِشَةَ – فَدَخَلَ الْقَبْرُ فِي الْمَسْجِدِ
Alors, li fine inclure la-dans, la chambre du prophète, c.à.d., la chambre de Aaishah, et alors, Qabr la fine rentre dans Masjid.
(AL-BIDAAYAH WAN-NIHAAYAH 9/75)
Ibn Taymiyyah dire :
فَلِهَذَا لَمْ يَتَكَلَّمْ فِيمَا فَعَلَهُ الْوَلِيدُ هَلْ هُوَ جَائِزٌ أَوْ مَكْرُوهٌ إلَّا التَّابِعُونَ كَسَعِيدِ بْنِ الْمُسَيِّبِ وَأَمْثَالِهِ
C’est à cause sa qui personne pas fine cause concernant cequi Al-Waliid fine faire, est-ce qui li permissible ou Makrouh, excepté bans Taabe’iin, tel comme Sa’iid Ibnul Musayyab et so semblables.
(M. FATAAWAA 27/420)
Ibn Taymiyyah dire :
أن المسجد لما زاد فيه الوليد وأدخلت فيه الحجرة كان قد مات عامة الصحابة ولم يبق إلا من أدرك النبي صلى الله عليه وسلّم ولم يبلغ سنّ التمييز … فهؤلاء وأمثالهم من الصحابة لم يدرك أحد منهم تغيير المسجد وإدخال الحجر فيه
Quand Al-Waliid fine faire l’ajoute dans Masjid et la chambre (de Aaishah) fine être inclus la-dans, (sa l’époque la) majorité bans Swahaabah ti fini mort. Pas ti reste excepté bans qui ti joindre le prophète, mais zotte pas ti encore atteindre ene l’âge qui zotte capave faire différence….. Sa banla (c.à.d., bans couma Ibn Umar et Ibn Abbaas) et zotte semblables parmi bans Swahaabah, personne parmi banla pas fine joindre changement dans Masjid et l’inclusion de bans la chambres la-dans.]
(AL-IKHNAA-IYYAH, pg 138-139)
Ibn Kathiir (774 H) dire :
وَيُحْكَى أَنَّ سَعِيدَ بْنَ الْمُسَيِّبِ أَنْكَرَ إِدْخَالَ حُجْرَةِ عَائِشَةَ فِي الْمَسْجِدِ كَأَنَّهُ خَشِيَ أَنْ يُتَّخَذَ الْقَبْرُ مَسْجِدًا وَاللَّهُ أَعْلَمُ
Li rapporté qui Sa’iid Ibnul Musayyab ti désapprouve inclure la chambre de Aaishah dans Masjid, comme si li fine peur attention bans dimounes prend sa Qabr la comme Masjid. Allaah conne meilleur.
(AL-BIDAAYAH WAN-NIHAAYAH 9/75)
Sheikh Ibn Baaz dire :
وعمل الوليد ليس بحجة وليس عمله دفنا في المسجد وإنما هو أدخل الحجرة برمتها توسعة للمسجد
L’action de Al-Waliid li pas ene preuve. Et so action c’est pas qui li fine enterre quicaine dans Masjid, mais c’est simplement qui li fine inclure la chambre (de Aaishah) au complet, en agrandissant le Masjid.
(M. FATAAWAA 29/236)
Sheikh Ibn Baaz dire :
وعمل الوليد ليس فيه حجة على ما يخالف السنة الثابتة عن رسول الله صلى الله عليه وسلّم
L’action de Al-Walid, dans cequi li fine contredire Sunnah qui confirmé depuis le prophète, li pas ene preuve.
(M. FATAAWAA 4/338)
