Islaam c’est agir bien envers le créateur et aussi envers les créatures
L’Islaam c’est ene religion qui enseigne nous pour ena bon relation avec nous Créateur et nous garde ene bon relation avec bans créatures aussi. Celui qui depuis le matin jusqu’à le soir li engage-li dans l’adoration du Créateur, mais li pas ena ene façon agir ni envers so parents, ni envers so famille et ni envers so voisin, sa dimoune là li pas fine comprend l’Islaam.
De la même façon, celui qui ena ene plus bon caractère, li comporte-li dans meilleure façon envers les autres et li content rendre service à tous dimounes, mais li pas montré respect pour le Créateur couma bizin et li pas amène so la vie d’après l’enseignement du Créateur, sa dimoune là jamais li pour considéré comme ene bon serviteur.
Donc, l’Islaam c’est : Nous accomplir nous devoir envers nous Créateur et nous accomplir aussi nous devoir envers bans créatures.
Le prophète dire :
اتَّقِ اللَّهِ حَيْثُمَا كُنْتَ
Gagne Taqwaa Allaah (la frayeur Allaah) n’importe cotesa to été.
وَأَتْبِعِ السَّيِّئَةَ الْحَسَنَةَ تَمْحُهَا
Faire ene bon action après qui to fine arrivé commettre ene erreur, sa pour efface li.
وَخَالِقِ النَّاسَ بِخُلُقٍ حَسَنٍ
Et agir envers bans dimounes avec ene bon caractère.
(AHMAD 22709)
Le prophète dire :
فَمَنْ أَحَبَّ أَنْ يُزَحْزَحَ عَنِ النَّارِ وَيُدْخَلَ الْجَنَّةَ فَلْتَأْتِهِ مَنِيَّتُهُ وَهُوَ يُؤْمِنُ بِاللَّهِ وَالْيَوْمِ الْآخِرِ وَلْيَأْتِ إِلَى النَّاسِ الَّذِي يُحِبُّ أَنْ يُؤْتَى إِلَيْهِ
Celui qui content qui li être sauvé de du feu (l’enfer) et qui (Allaah) mettre li dans Jannat, qui so la mort joindre li pendant qui li ena Imaan dans Allaah et le dernier jour et qui li agir envers bans dimounes dans façon qui li content bans dimounes agir envers li.
(MUSLIM 1844)
Le prophète dire :
خَيْرُكُمْ خَيْرُكُمْ لأَهْلِهِ وَأَنَا خَيْرُكُمْ لأَهْلِى
Meilleur parmi zotte c’est celui qui agir dans meilleur façon envers so madame. Et moi mo le meilleur parmi zotte dans meilleur façon qui mo agir envers mo madame.
(TIRMIZI 4269)
