Quelques signes Qiyaamah qui fine prédire par le prophète et fini réaliser (avant 2021).
Le prophète ﷺ dire :
اعْدُدْ سِتًّا بَيْنَ يَدَيِ السَّاعَةِ مَوْتِي ثُمَّ فَتْحُ بَيْتِ الْمَقْدِسِ ثُمَّ مُوْتَانٌ يَأْخُذُ فِيكُمْ كَقُعَاصِ الْغَنَمِ
Compte six quitechoses avant Qiyaamah : Mo la mort, ensuite la conquête de Bayt-ul-Maqdis, ensuite ene la mort qui pour attrape beaucoup parmi zotte pareille couma l’épidémie qui touye bans moutons.
(BUKHARI 2940)
Effectivement bans musulmans ti réussi conquérir sa l’endroit la pendant le Khilaafah de Umar, en l’année 16 H.
L’épidémie la ti arrivé en l’année 18 H. Li mentionné qui plus qui 25,000 personnes ti mort par sa. Parmi, nous gagne les deux Swahaabah Abu Ubaydah Ibnul Jarraah et Mu’aaz Ibn Jabal.
Le prophète ﷺ dire :
إِذَا هَلَكَ كِسْرَى فَلَا كِسْرَى بَعْدَهُ وَإِذَا هَلَكَ قَيْصَرُ فَلَا قَيْصَرَ بَعْدَهُ وَالَّذِي نَفْسُ مُحَمَّدٍ بِيَدِهِ لَتُنْفِقُنَّ كُنُوزَهُمَا فِي سَبِيلِ اللَّهِ
Quand Kisraa mort, pas pour re ena Kisraa après li. Quand Qayswar mort, pas pour re ena Qayswar après li. Serment lor Celui qui la vie de Muhammad dans So la main, certainement zotte pour depense sa deux empires la zotte trésors dans le chemin d’Allaah.
(BUKHARI 3349)
En L’année 14 H, ti ena ene grand la guerre entre bans musulmans et bans Romains qui fine connu comme la guerre de Yarmouk. Après sa la guerre la, bans musulmans fine commence conquérir sa l’empire la.
En l’année 16 H, ti ena ene grand la guerre entre bans musulmans et bans perses qui fine connu comme la guerre Al-Qaadisiyyah. Après sa la guerre la, bans musulmans fine rentre dans Al-Madaa-in – le capital de l’empire perse sans aucun affrontement de la part de bans Kuffaar.
Le prophète ﷺ dire :
عِصَابَتَانِ مِنْ أُمَّتِي أَحْرَزَهُمَا اللَّهُ مِنَ النَّارِ عِصَابَةٌ تَغْزُو الْهِنْدَ وَعِصَابَةٌ تَكُونُ مَعَ عِيسَى ابْنِ مَرْيَمَ عَلَيْهِمَا السَّلَام
Ena deux troupes de mo Ummat qui Allaah pour protège zotte contre du feu (l’enfer) : troupe qui pour attaque l’inde et troupe qui pour ensemble avec Iisaa fils de Mariam.
(NASAI 3124)
Effectivement sa prédiction la fine réalisé en l’année 92 H. L’armée de Muhammad Ibnul Qaasim Ath-Thaqafi ti conquérir As-Sind.
Le prophète ﷺ dire :
لَا تَقُومُ السَّاعَةُ حَتَّى تَضْطَرِبَ أَلَيَاتُ نِسَاءِ دَوْسٍ عَلَى ذِي الْخَلَصَةِ
Pas pour ena Qiyaamah jusqu’à qui les parties postérieures de bans madames du tribu Daws pour tourne autour Zul-Khalaswah (l’idole qui sa tribu la ti pe adoré dans l’époque de Jaahiliyyah).
(BUKHARI 6583)
Sa prédiction la fine fini réalisé, et c’est le roi Abdul Aziiz Ibn Muhammad Ibn Sa’oud qui ti faire détruire sa idole la. Ene deuxième fois quand banla ti re commence adore sa idole la, c’est le roi Abdul Aziiz Ibn Abdur Rahmaan qui ti faire crase li.
