Tamiimah c’est shirk

Tamiimah c’est n’importe qui quitechose qui ene dimoune suspendre sa lor li oubien attache sa dans so la main avec conception qui sa pour protege li contre le mal (contre gagne lizieux) oubien pour apporte li du bien.

En vérité, Tamiimah fine être considéré comme Shirk pour deux raisons principales :

• Li faire dimounes croire qui sa Tamiimah la ena capacité pour faire quitechose, tandis qui seul Allaah qui ena toute capacité.
• Li faire dimounes attache zotte le coeur avec sa tandis qui nous bizin attache nous le coeur seulement avec Allaah.

• Attache Ta’wiiz dans licou oubien dans le bras.
• Dulhine (la nouvelle mariée) garde taille-zongle avec li.
• Garde sizeau embas loryé tibaba.
• Appendant ti-soulier dans l’auto.
• Appendant ene la main dans l’auto.
• Faire bans zenfants mettre zotte sous-vetements en l’envers.
• Colle numero lor muraille.
• Attache collier noir ou noir-blanc avec tibébé.
• Mette la chaine qui ena ene p’tit lezos la dans.
• Mette moutard et la grain piment dans ene linge et attache sa avec tibaba.
• Ta’wiiz qui contenir bans noms inconnus.
• Ta’wiiz qui contenir numéro.
• Ta’wiiz qui contenir Aayat Qur-aan cassé-arrangé.
• Colle Aayat Qur-aan lor muraille.

Rapporté par Zaynab – madame de Abdullaah Ibn Mas-‘oud :

كَانَتْ عَجُوزٌ تَدْخُلُ عَلَيْنَا تَرْقِي مِنَ الْحُمْرَةِ وَكَانَ لَنَا سَرِيرٌ طَوِيلُ الْقَوَائِمِ وَكَانَ عَبْدُ اللَّهِ إِذَا دَخَلَ تَنَحْنَحَ وَصَوَّتَ فَدَخَلَ يَوْمًا فَلَمَّا سَمِعَتْ صَوْتَهُ احْتَجَبَتْ مِنْهُ

[ Ti ena ene vieille madame qui ti pe vine côte nous pour faire Ruqyah contre maladie Humrah. Nous ti ena ene lilit qui ti haut. Quand Abdullaah ti pe rentré, li ti pe toussé légerement et li ti pe faire ene son.

Ene jour li fine rentré, et quand sa madame la fine entendre so la voix, li fine cachiette de li.

فَجَاءَ فَجَلَسَ إِلَى جَانِبِي فَمَسَّنِي فَوَجَدَ مَسَّ خَيْطٍ فَقَالَ مَا هَذَا فَقُلْتُ رُقًى لِي فِيهِ مِنَ الْحُمْرَةِ فَجَذَبَهُ وَقَطَعَهُ فَرَمَى بِهِ وَقَالَ

Abdullaah fine vini, li fine assize à coté de moi, li fine pose so la main lor moi, et li fine ressenti ene du fil.

Li fine demandé :

“Qui été sa?”

Mo fine répondre :

“Sa madame la fine faire Ruqyah pour moi la dans contre maladie Humrah!”

Abdullaah fine risse sa du fil la, li fine coupe li et li fine jette li.

Ensuite li fine dire :

لَقَدْ أَصْبَحَ آلُ عَبْدِ اللَّهِ أَغْنِيَاءَ عَنِ الشِّرْكِ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ إِنَّ الرُّقَى وَالتَّمَائِمَ وَالتِّوَلَةَ شِرْكٌ

“La famille de Abdullaah pas en besoin de Shirk. Mo fine entendre le messager d’Allaah dire : “Certainement Ruqyah, Tamiimah et Tiwalah c’est Shirk.”]

(IBN MAAJAH 3521)

Rapporté par Iisaa Ibn Abi Laylaa :

دَخَلْتُ عَلَى عَبْدِ اللَّهِ بْنِ عُكَيْمٍ أَبِي مَعْبَدِ الْجُهَنِيِّ أَعُودُهُ وَبِهِ حُمْرَةٌ فَقُلْنَا أَلَا تُعَلِّقُ شَيْئًا قَالَ الْمَوْتُ أَقْرَبُ مِنْ ذَلِكَ قَالَ النَّبِيُّ صَلَّى اللَّهُ عَلَيْهِ وَسَلَّمَ مَنْ تَعَلَّقَ شَيْئًا وُكِلَ إِلَيْهِ

[ Mo fine rentre cote Abdullaah Ibn ‘Ukaym pour rendre li ene visite parcequi li ti affecté par maladie Humrah.

Nous fine dire li :

“Est-ce qui to pas suspendre narien?”

Li fine répondre :

“La mort plus prés qui sa. Le prophète fine dire : Celui qui suspendre ene quitechose, (Allaah) faire li dependre lor la même (Allaah pas aide li.)”]

(TIRMIZI 1998)

Rapporté par Uqbah Ibn ‘Aamir :

أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ أَقْبَلَ إِلَيْهِ رَهْطٌ فَبَايَعَ تِسْعَةً وَأَمْسَكَ عَنْ وَاحِدٍ فَقَالُوا يَا رَسُولَ اللَّهِ بَايَعْتَ تِسْعَةً وَتَرَكْتَ هَذَا قَالَ إِنَّ عَلَيْهِ تَمِيمَةً فَأَدْخَلَ يَدَهُ فَقَطَعَهَا فَبَايَعَهُ وَقَالَ مَنْ عَلَّقَ تَمِيمَةً فَقَدْ أَشْرَكَ

[ Ene petit groupe dimoune ti vine cote le messager d’Allaah. Le prophète fine faire neuf personnes faire Bay-ah et li fine abstenir d’ene (parmi banla).

Banla fine dire :

“Ô messager d’Allaah, ou fine faire neuf personnes faire Bay-ah et ou fine abandonne sanla?”

Le prophète fine répondre :

“Ena ene Tamiimah avec li!”

Alors, li fine mette so la main endans et li fine coupe li.

Lerla le prophète fine faire li faire Bay-ah, et li fine dire : “N’importe qui sanla suspendre ene Tamiimah lor li, certainement li fine commettre Shirk.”]

(AHMAD 16781)