Est-ce qui li permissible servi ene vaccin qui contenir ene substance haraam ?
Le prophète dire :
إِنَّ اللَّهَ خَلَقَ الدَّاءَ وَالدَّوَاءَ فَتَدَاوَوْا وَلَا تَتَدَاوَوْا بِحَرَامٍ
Allaah fine créé maladie et remède, alors servi médecine. Mais pas servi quitechose qui Haraam comme médicament.
(AL-MU’JAM-UL-KABIIR 24/254/649, S.S 1633)
Ibn Masoud dire :
إِنَّ اللَّهَ لَمْ يَجْعَلْ شِفَاءَكُمْ فِيمَا حَرَّمَ عَلَيْكُمْ
Allaah pas fine mettre zotte guérison dans quitechose qui Li fine faire Haraam lor zotte.
(BUKHARI)
Comité Fatwaa de l’Arabie saoudite dire :
لا يجوز التداوي بالمحرمات
Pas gagne droit servi bans quitechoses Haraam comme médicament.
(FATAAWAA ISLAAMIYYAH 3/449)
Mais si sa malpropreté la li perdi so caractéristique malpropreté dans sa vaccin la, dans sa situation la, li pas Haraam pour servi li.
Ibn Hazm (456 H) dire :
Si la selle ou ene zanimau mort fine être brulé oubien qui li fine transformé et li vine la cendre ou la poussière, tous sa la c’est bans quitechoses qui propres.
(AL-MUHALLAA 1/166)
Ibn Taymiyyah (728 H) dire :
Cequi paraitre plus fort c’est qui Najaasah (malpropreté) li vine propre quand li être transformé (par li-même) en ene l’autre matière.
(MUKHTASWAR-UL-FATAAWAL-MISRIYYAH)
Ibnul Qayyim (751 H) dire :
Mas-alah : Ene quitechose malpropre qui fine mélange avec ene de l’eau ou ene liquide, si li fine perdi la-dans, et so l’effet pas visible du tout, Mazhab plus correct c’est qui li propre dans tous cas.
(BADAA-I-UL-FAWAA-ID)
Si nous mélange ene malpropreté avec ene médicament, sa li pas permissible. Mais si ene malpropreté fine être transformé en ene l’autre matière et c’est sa matière la qui être mélangé à ene médicament, sanla li permissible.
Dr Hassan Ahmad Al-Fakki, dans so thèse doctorat lor la médecine d’après la Sharii’ah, li dire :
Si ene médicament être importé chez nous depuis bans pays Kufr ou les autres pays, et qui dans so préparation, fine ena bans matières Haraam qui fine être utilisés, ensuite sa fine être transformé complètement, et li pas ena aucun l’effet, cequi apparent concernant bans médicaments pareilles c’est qui li autorisé, li permissible, parcequi so caractéristique qui ti rendre li Haraam, sa fine enlevé, sans qui nous fine être la cause la-dans.
(AHKAAM-UL-ADWIYYAH FISH-SHARII’AT-IL-ISLAAMIYYAH, pg 195)
Basant lor la, nous comprend qui sa vaccin Covid 19 la, si vraiment li contenir bans substances à partir poison ou intoxicant ou malpropreté, mais sa bans quitechoses la n’est plus couma zotte ti été, mais zotte fine être transformés à les autres bans matières qui n’est plus ena caractéristiques poison ou intoxicant ou malpropreté, alors li pas ene quitechose qui Haraam. Wallaahu A’lam.
