Prediction concernant la venue du prophète de la part Ahlu Kitaab et l’empereur romain

Malgré qui la grande majorité parmi bans Ahlul-kitaab ti commence pratique ene religion falsifiée, sa pas ti empeche l’existence d’ene groupe qui ti encore lor Tawheed.

Parmi, nous gagne le Swahaabi Salmaan Al-Faarsi. Sa Swahaabi la ti ene Majous et ensuite li ti accepté Deen de Iisaa. Quand so professeur ti près pour mort, li ti conseille Salmaan :

أَيْ بُنَيَّ وَاللَّهِ مَا أَعْلَمُهُ أَصْبَحَ عَلَى مَا كُنَّا عَلَيْهِ أَحَدٌ مِنَ النَّاسِ آمُرُكَ أَنْ تَأْتِيَهُ وَلَكِنَّهُ قَدْ أَظَلَّكَ زَمَانُ نَبِيٍّ هُوَ مَبْعُوثٌ بِدِينِ إِبْرَاهِيمَ يَخْرُجُ بِأَرْضِ الْعَرَبِ مُهَاجِرًا إِلَى أَرْضٍ بَيْنَ حَرَّتَيْنِ بَيْنَهُمَا نَخْلٌ بِهِ عَلَامَاتٌ لَا تَخْفَى يَأْكُلُ الْهَدِيَّةَ وَلَا يَأْكُلُ الصَّدَقَةَ بَيْنَ كَتِفَيْهِ خَاتَمُ النُّبُوَّةِ فَإِنِ اسْتَطَعْتَ أَنْ تَلْحَقَ بِتِلْكَ الْبِلَادِ فَافْعَلْ

Ô mo garçon! Serment lor Allaah, mo pas conne personne parmi bans dimounes qui lor (Deen) qui nous ti lor la, afin qui mo ordonne toi pour alle cote li. Mais seulement, moment de la venue d’ene prophète li près. Li pour être  envoyé avec Deen de Ibraahiim. Li pour sorti depuis la terre de bans arabes et li pour émigré vers ene la terre entre deux regions pierreux, et qui entre sa deux regions la pour ena plantation tamme. Li pour ena bans signes qui pas pour cachiette; li pour mange cequi li gagne en cadeau mais li pas pour mange Swadaqah (charité), ena aussi signe qui li-même le dernier prophète entre so deux zepaules…. Si to capave alle sa l’endroit la, qui to allé.

(AHMAD 22620)

Le roi romain – Hiraql (Heraclius) – ti gagne ene rencontre avec Abu Sufyaan. Li ti pose plusieurs questions à Abu Sufyaan concernant le prophète Muhammad (صَلَّى اللَّهُ عَلَيْهِ وَسَلَّمَ), et après qui li fine gagne tous bans réponses, li fine dire :

فَإِنْ كَانَ مَا تَقُولُ حَقًّا فَسَيَمْلِكُ مَوْضِعَ قَدَمَيَّ هَاتَيْنِ وَقَدْ كُنْتُ أَعْلَمُ أَنَّهُ خَارِجٌ لَمْ أَكُنْ أَظُنُّ أَنَّهُ مِنْكُمْ

Si cequi to fine dire li vrai, certainement li pour possede lieu de mo deux lipieds. Mo ti conné qui li pour apparaitre, mais mo pas ti pensé qui li pour parmi zotte.

(BUKHARI 6)

Bans juifs aussi quand fine conné qui le prophète pour émigré et pour vine à Madiinah, banla fine vine habite dans sa l’endroit la, et souvent de fois banla ti pe menace bans arabes de Madiinah qui quand le prophète pour apparaitre, banla pour touye bans arabes.

Ene parmi bans Answaar dire :

إن مما دعانا إلى الإسلام مع رحمة الله تعالى وهداه لنا لما كنا نسمع من رجال يهود وكنا أهل شرك أصحاب أوثان وكانوا أهل كتاب عندهم علم ليس لنا وكانت لا تزال بيننا وبينهم شرور

Parmi bans facteurs qui fine invite nous vers l’Islaam – ensemble avec pitié d’Allaah et So guidance – c’est cequi nous ti pe tendé avec bans juifs. Nous, nous ti bans Mushrik, bans qui ti pe adore idoles, tandis qui banla, zotte ti ena livre, et alors banla ti ena connaissance qui nous pas ti ena. Ti pe ena bans mechancetés entre nous et banla continuellement.

فإذا نلنا منهم بعض ما يكرهون قالوا لنا إنه تقارب زمان نبي يبعث الآن نقتلكم معه قتل عاد وإرم فكنا كثيرا ما نسمع ذلك منهم فلما بعث الله رسوله صلى الله عليه وسلم أجبناه حين دعانا إلى الله تعالى وعرفنا ما كانوا يتوعدوننا به فبادرناهم إليه فآمنا به وكفروا به

Quand nous ti pe gagne banla dans bans quitechoses qui banla ti pe detesté, banla ti pe dire :

“Astère, moment de la venue d’ene prophète fine fini costé. Ensemble avec li, nous pour touye zotte pareille couma Aad et Iram ti être tués.”

Nous ti pe entendre sa beaucoup avec banla. Quand Allaah fine envoye So messager, nous fine répondre à so l’appel quand li fine invite nous vers Allaah. Nous fine conné concernant qui quitechose banla ti pe menace nous, et alors nous fine precede banla vers li et nous fine amene Imaan dans li, et banla fine faire Kufr avec li.

(AS-SIIRAT-UN-NABAWIYYAH par IBN HISHAAM 2/37)