Message De Tous Bans Prophètes C’est Tawheed

Allaah fine créé nous pour qui nous faire So Ibaadat, et pour pitié qui Allaah ena lor nous, Li pas fine quitte nous coumesa même pour qui chacun faire Ibadaat Allaah couma li oulé d’après so l’esprit. Mais Allaah fine envoye ene messager dans chaque peuple pour qui li enseigne zotte le but pour lequel zotte lor sa la terre la et pour qui li montré zotte couma pour réalise sa but la.

Allaah dire : (35:24)

إِنَّا أَرْسَلْنَاكَ بِالْحَقِّ بَشِيرًا وَنَذِيرًا وَإِنْ مِنْ أُمَّةٍ إِلَّا خلَا فِيهَا نَذِيرٌ

[ Certainement Nous fine envoye toi avec la vérité comme ene qui donne la bonne nouvelle et qui averti dimounes, et pas fine ena aucun peuple excepté qui fine ena ene avertisseur parmi banla.]

D’après Qur-aan, nous trouvé qui Allaah fine envoye tous sa bans prophètes la et fine envoye livres lor zotte pour ene seule raison, et sa raison la c’est qui zotte invite vers Tawheed et zotte empêche l’adoration de Twaaghout.

Allaah dire : (16:36)   

وَلَقَدْ بَعَثْنَا فِي كُلِّ أُمَّةٍ رَسُولًا أَنْ اُعْبُدُوا اللَّهَ وَاجْتَنِبُوا الطَّاغُوتَ

[ Certainement Nous fine envoye dans chaque peuple, ene messager (avec le message) : Faire Ibaadat Allaah et évite Twaaghout.]

Allaah dire : (21:25)

وَمَا أَرْسَلْنَا مِنْ قَبْلِكَ مِنْ رَسُولٍ إِلَّا نُوحِي إِلَيْهِ أَنَّهُ لَا إِلَهَ إِلَّا أَنَا فَاعْبُدُونِ

[ Nous pas fine envoye aucun messager avant toi excepté qui Nous fine revele à li : Pas ena aucun (vrai) Ilaah apart Moi, et alors, faire Mo Ibaadat.]

Allaah dire : (43:45)

وَاسْأَلْ مَنْ أَرْسَلْنَا مِنْ قَبْلِكَ مِنْ رُسُلِنَا أَجَعَلْنَا مِنْ دُونِ الرَّحْمَنِ آلِهَةً يُعْبَدُونَ 

[(Ô Muhammad صَلَّى اللَّهُ عَلَيْهِ وَسَلَّمَ), demande Nous bans messagers qui Nous fine envoye avant toi : Est-ce qui Nous (Allaah) fine designe bans Ilaah pour être adorés apart Ar-Rahmaan (Allaah)?]

Sa trois Aayat la montré nous qui en generale tous bans prophètes fine invite vers Tawheed. Apart sa, ena bans les autres Aayat cote Allaah montré nous couma est-ce qui chaque messager fine commence so Da’wah.

Allaah dire : (7:59)

لَقَدْ أَرْسَلْنَا نُوحًا إِلَى قَوْمِهِ فَقَالَ يَاقَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ

[ Nous ti envoye Nouh vers so peuple, et alors, li ti dire : Ô mo peuple! adore Allaah, car zotte pas ena aucun Ilaah apart Li.]

Allaah dire : (7:65)

وَإِلَى عَادٍ أَخَاهُمْ هُودًا قَالَ يَاقَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ

[ Et (Nous ti envoye) vers ‘Aad, zotte frère Houd. Li ti dire : Ô mo peuple! adore Allaah, car zotte pas ena aucun Ilaah apart Li.]

Allaah dire : (7:73)

وَإِلَى ثَمُودَ أَخَاهُمْ صَالِحًا قَالَ يَاقَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ

[ Et (Nous ti envoye) vers Thamoud, zotte frère Swaalih. Li ti dire : Ô mo peuple! adore Allaah, car zotte pas ena aucun Ilaah apart Li.]

Allaah dire : (7:85)

وَإِلَى مَدْيَنَ أَخَاهُمْ شُعَيْبًا قَالَ يَاقَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ 

[ Et (Nous ti envoye) vers (peuple) Madyan, zotte frère Shu’ayb. Li ti dire : Ô mo peuple! adore Allaah, car zotte pas ena aucun Ilaah apart Li.]

Ibnul Qayyim dire :

فَالتَّوْحِيدُ مِفْتَاحُ دَعْوَةِ الرُّسُلِ

[ Tawheed c’est la clef Da’wah de (tous) bans messagers.]

(MADAARIJ-US-SAALIKIIN)

Donc, c’est sa Da’wah de apeuprés 124,000 prophètes – l’invitation vers Tawheed. Sa vérité la montré nous qui aucun prophète pas fine vine lor la terre pour ene revolution politique. Alors, bans qui lor la vérité azordijour c’est bans qui zotte l’objectif c’est Tawheed/Shirk et nonplus la politique.

Quant à Aayat (5:48) cote Allaah pe dire qui chaque prophète fine ena so la loi et so chemin, sa pe faire reference à bans actions et nonplus Aqeedah.