[Part 1] La lutte de Imaam Ahmad contre les khulafaa (Al Jahmiyyah) pour préserve Aqeeda Ahlu Sunna

Dans l’histoire de l’Islaam, fine ena parmi bans Khulafaa :

• Al-Mahdi (158 – 169 H)
• Al-Haadi (169 – 170 H)
• Ar-Rashiid (170 – 193 H)
• Al-Amiin (193 – 198 H)
• Al-Ma’moun (198 – 218 H)
• Al-Mu’taswim (218 – 227 H)
• Al-Waathiq (227 – 232 H)
• Al-Mutawakkil (232 – 247 H)
• Al-Muntaswir (247 – 248 H)

Az-Zahabi (748 H) dire : Bans Jahmiyyah pas ti manifeste dans l’etat de Al-Mahdi ou Ar-Rashiid ou Al-Amiin. Quand Al-Ma’moun fine vine au pouvoir et qui li ti parmi banla, li fine proclame sa parole la. (Siyar)

Sa Fitnah la fine duré pendant à peu près 22 ans (212 H – 234 H) et c’est quand Al-Mutawakkil fine vine au pouvoir, li fine éteindre sa Fitnah la.

Ibn Hajar dire (dans FAT-HUL-BAARI)  : Al-Ma’moun, Al-Mu’taswim et Al-Waathiq fine invite vers Aqeedah innové comme qui Qur-aan c’est ene créature, banla fine punit bans Ulamaa à cause sa par touye zotte, battre zotte, emprisonne zotte et humilié zotte dans différents façons, mais personne pas fine dire qui li obligatoire révolter contre banla à cause sa. Sa situation la fine duré entre 13 à 19 ans, jusqu’à qui Al-Mutawakkil fine vine Khaliifah et li fine annule sa épreuve la et li fine ordonne pour faire Sunnah vine manifeste.

Au commencement, Al-Ma’moun ti pe hésité pour proclame Aqeedah qui dire qui Al-Qur-aan li ene créature, à cause le savant Yaziid Ibn Haaroun (206 H).

Ene fois, Al-Ma’moun ti dire : “Si Yaziid Ibn Haaroun pas ti ena sa statut la, mo ti pour proclame ouvertement qui Al-Qur-aan li ene créature.” (Siyar)

En l’année 218 H, li fine commence impose sa Aqeedah la lor tous dimounes et li fine commence persécute tous qui pas pe d’accord avec so l’opinion et même touye zotte.

Az-Zahabi (748 H) dire : “Quant à Mas-alah Qur-aan li ene créature, li pas fine rétracté de sa, mais en l’année 218 H, li fine prend décision pour éprouve bans Ulamaa lor la et li fine être dure envers banla.” (Siyar)

Al-Ma’moun ti pe habite dans Ar-Raqqah et so représentant dans Baghdaad ti Is-haaq Ibn Ibraahiim Al-Khuzaaï. Depuis Ar-Raqqah Al-Ma’moun fine écrire à Is-haaq Ibn Ibraahiim pour qui li éprouve bans Ulamaa lor sa sujet la et n’importe qui sanla qui pas accepté, soit révoque li ou emprisonne li ou touye li.

Az-Zahabi (748 H) dire : “Al-Ma’moun ti écrire ene lettre à so représentant dans Baghdaad, Is-haaq Ibn Ibraahiim Al-Khuzaaï, pour qui li éprouve bans Ulamaa.” (Siyar)

Az-Zahabi (748 H) dire : “Majorité bans savants fine répondre sous contrainte et ene groupe fine abstenir pour prend ene stand.” (Al-Ibar)

Ti ena sept  grands savants de Baghdaad qui fine oppose sa l’appel la, et alors, zotte ti être envoyés chez Al-Ma’moun. Quand zotte fine joindre Al-Ma’moun, zotte fine montré qui zotte d’accord avec Aqeedah qui li ti pe invite vers sa.  En vérité, ti supposé ena Imaam Ahmad Ibn Hambal parmi sa sept la, mais Ahmad Ibn Abi Du-aad ti conné qui Imaam Ahmad Ibn Hambal li ene dimoune ferme, et alors, li fine remplace li par ene l’autre.

Quand bans Ulamaa dans Baghdaad fine apprendre concernant changement de position de sa bans savants la, banla fine en colère. Quand Al-Ma’moun fine au courant de sa, li mettre bans savants devant deux choix : Soit qui zotte accepté sa Aqeedah la et alors pour laisse zotte tranquille, oubien qui zotte refusé et alors pour coupe zotte licou. Dans sa situation difficile la, bans Ulamaa fine choisir pour montrer qui zotte pe d’accord avec Al-Ma’moun.

Deux savants qui fine tini ferme lor la vérité malgré persécution de Al-Ma’moun c’était Imaam Ahmad et le jeune Muhammad Ibn Nouh. Alors, Imaam Ahmad et Muhammad Ibn Nouh fine être emprisonnés pendant plusieurs jours.

Ensuite Al-Ma’moun fine ordonne pour enchaine Imaam Ahmad et Muhammad Ibn Nouh et envoye les deux cote li à Ar-Raqqah. Quand Imaam Ahmad et Muhammad Ibn Nouh ti pe être transportés à Al-Ma’moun, fine ena bans savants qui fine vine pour encourage les deux.

Abu Ja’far Al-Anbaari ti dire à Imaam Ahmad :

Ô toi, actuellement to ene leader qui bans dimounes pe prend toi comme ene l’exemple. Serment lor Allaah, si to répondre à l’appel pour dire qui Al-Qur-aan li ene créature, pour ena beaucoup dimounes qui pour répondre à sa l’appel la. Si to pas répondre à sa l’appel la, pour ena beaucoup dimounes qui pour abstenir de sa l’appel la. Bien que sa dimoune la, si li pas touye toi, certainement to pour bizin même mort. Gagne Taqwaa Allaah, pas répondre à sa l’appel la.

(SIYAR 11/239)

En chemin, ene bedouin ti conseille Imaam Ahmad : “Ô Ahmad, si la vérité faire toi perdi to la vie, to pour mort comme Shahiid. Si to reste vivant, to pour reste vivant comme ene personne louable.” (Siyar)

Pendant qui les deux ti pe être transportés, Muhammad Ibn Nouh fine mort en chemin. Quand fine arrive à Azanah, nouvelle la mort de Al-Ma’moun fine arrive jusqu’à zotte.

Imaam Ahmad dire : “Mo ti pe faire Du’aa avec Allaah pour qui mo pas trouve li.” (Siyar)

Alors, banla fine retourne Imaam Ahmad à prison de Baghdaad et li fine reste dans prison pendant plus qui 30 mois.