Est-ce qui li possible trouve ange dans forme humain ?
Ene ange capave prend forme ene humain par l’ordre Allaah, et lerla li possible qui ene humain trouve li.
Allaah dire : (19 : 17-18)
فَاتَّخَذَتْ مِنْ دُونِهِمْ حِجَابًا فَأَرْسَلْنَا إِلَيْهَا رُوحَنَا فَتَمَثَّلَ لَهَا بَشَرًا سَوِيًّا قَالَتْ إِنِّي أَعُوذُ بِالرَّحْمَنِ مِنْكَ إِنْ كُنْتَ تَقِيًّا
Li (Maryam) ti mettre ene voile entre li et banla et Nous ti envoye Nous Rouh (Jibriil) vers li, et li ti presente devant li comme ene humain parfait. Maryam fine dire : “Mo pe cherche protection avec Ar-Rahmaan contre toi, si to ena Taqwaa dans toi!”
Le prophète dire :
أَنَّ رَجُلاً زَارَ أَخًا لَهُ فِى قَرْيَةٍ أُخْرَى فَأَرْصَدَ اللَّهُ لَهُ عَلَى مَدْرَجَتِهِ مَلَكًا فَلَمَّا أَتَى عَلَيْهِ قَالَ أَيْنَ تُرِيدُ قَالَ أُرِيدُ أَخًا لِى فِى هَذِهِ الْقَرْيَةِ
Ene personne fine alle rendre visite à ene so frère dans ene l’autre village. Allaah fine envoye ene ange dans so chemin. Quand ange la fine vine cote li, li fine demande li :
“Cote to pe oulé aller?”
Sa personne la fine répondre :
“Mo pe alle rendre visite à ene mo frère dans sa village la!”
قَالَ هَلْ لَكَ عَلَيْهِ مِنْ نِعْمَةٍ تَرُبُّهَا قَالَ لاَ غَيْرَ أَنِّى أَحْبَبْتُهُ فِى اللَّهِ عَزَّ وَجَلَّ قَالَ فَإِنِّى رَسُولُ اللَّهِ إِلَيْكَ بِأَنَّ اللَّهَ قَدْ أَحَبَّكَ كَمَا أَحْبَبْتَهُ فِيهِ
Ange la fine demande li :
“Est-ce qui li fine déjà faire kit faveur lor toi qui to pe preserve sa?”
Sa personne la fine répondre :
“Non, mo fine simplement content li à cause Allaah!”
Alors, ange la fine dire li :
“Moi mo le messager d’Allaah vers toi pour donne toi le message qui Allaah fine content toi pareille couma to fine content li!”
(MUSLIM)
Sa Hadiith la prouve nous qui pas juste ene prophète qui ene ange capave vine cote li dans forme d’ene humain.
