Answers to your questions No 2 PDF Print E-mail
Written by Administrator   
Friday, 31 July 2009 07:22

Alle mangé cote ene Qadiani

 

Est-ce qui gagne droit alle mangé cote ene Qadiani?

 

Cequi li egorgé, nous pas gagne droit mangé. Cequi li pas egorgé, nous gagne droit mangé, mais pas dans ene façon qui nous montré li qui nous ena l’affection ou l’estime pour li.

 

 

Est-ce qui bizin paye ene travailleur qui blessé dans travail?

 

Si ene personne blessé dans travail, est-ce qui so patron bizin paye li pour bans jours qui li pas travaille?

 

Si sa travail qui li travaille la, li connu dans nous societé qui quand ene travailleur blessé, so patron bizin paye li pour bans jours qui li pas travaille, dans sa cas la, so patron bizin paye li. Si travail qui li travaille, d’après nous societé, so patron ou la personne qui sa travailleur la pe travaille cote li pas ena pour paye li, alors, li pas paye li.

 

 

Fruits de bans plantes qui fine poussé lor malpropretés

 

Si servi fumier porc pour plante bans fruits, est-ce qui gagne droit mange sa bans fruits la?

 

Non, nous pas endroit mange fruits de bans plantes qui fine poussé lor malpropretés.

Faire deux Rakaat après faire Hijaamah

 

Après faire Hijaamah, est-ce qui li Sunnah pour faire deux Rakaat?

 

Non, li pas Sunnah. Au contraire, li ene Bid’ah.

 

 

Faire ene seul Khutbah pour Jumu’ah

 

Est-ce qui gagne droit faire ene seul Khutbah pour Jumu’ah?

 

Non, pas gagne droit. Obligé faire deux Khutbah.

 

Ene madame enceinte alle cote ene gynécologue zomme

 

Est-ce qui ene madame enceinte gagne droit alle cote ene gynécologue zomme?

 

Non, li pas gagne droit, si ena la possibilité pour qui li alle cote ene gynécologue madame et li ena le moyen pour alle cote sa madame la.

 

 

Ecrire “Allaah” et “Muhammad” lor meme niveau

 

Bans cadres lor lesquels fine ecrire “Allaah” et “Muhammad” lor meme niveau, est-ce qui c’est ene forme de Shirk?

 

Oui, c’est ene forme de Shirk d’après Sheikh Ibn Baaz, parcequi meme dans nous parole oubien dans nous ecriture, nous bizin pas montré aucun égalité entre Allaah et le prophete Muhammad.

 

Ene madame enceinte faire Swalaat lor chaise

 

A partir quand ene madame enceinte capave commence faire Swalaat lor chaise?

 

Ene personne obligé faire Swalaat Faraz deboute. Si li incapable, li faire li assizé. Quant-a ene madame enceinte, li capave assizé pour faire Swalaat a partir qui li commence gagne difficulté pour faire so Swalaat deboute.

 

Hadiith : “Dunyaa c’est le champ de plantation pour Aakhirah”

 

Qui l’authenticité du Hadiith : “Dunyaa c’est le champ de plantation pour Aakhirah”?

 

Sa recit la li mentionné dans Ihyaa Uloum-id-Deen par Al-Ghazaali. D’après As-Shakhaawi, dans so livre, Al-Maqaaswid-ul-Hasanah, sa recit la pas ena aucun source. So signification capave bon, mais nous pas attribué li au prophète.

 

 

Est-ce qui ene maman qui pe allaite so bébé, li bizin garde Roza

 

Ene maman pe allaite so bébé et en meme temps li pe donne li du lait dans boite, est-ce qui li bizin garde Roza?

 

Si madame la pe peur qui par garde Roza, sa pour affecté so la santé oubien qui bébé la pas pour gagne assez du lait pour boire, li pas garde Roza. Si sa pas pour affecté ni so la santé et ni so allaitement, li garde Roza.

 

 

Last Updated ( Tuesday, 04 August 2009 13:43 )